ސެމީ ފައިނަލުގެ ދެ ވަނަ ލެގްގައި ރެއާލް މެޑްރިޑްގެ މައްޗަށް 2-0 ގެ ނަތީޖާ އަކުން ކާމިޔާބު ހޯދައި، ޗެމްޕިއަންސް ލީގުގެ ފައިނަލަށް ޗެލްސީ ދަތުރު ކޮށްފިއެވެ.
މި ދެ ޓީމުގެ ފުރަތަމަ ލެގު ނިމުނީ 1-1 އިން އެއްވަރުވެގެންނެވެ. އެހެންކަމުން ޗެލްސީ ފައިނަލަށް ދިޔައީ 3-1 ގެ އެގްރިގޭޓް ނަތީޖާއަކުންނެވެ. އަދި މިއީ ޗެމްޕިއަންސް ލީގު ފައިނަލަށް ޗެލްސީން ދަތުރުކުރި ތިންވަނަ ފަހަރެވެ.
މިފަހަރުގެ ފައިނަލްގެ އިނގިރޭސި ދެ ޓީމު ވާދަކުރާއިރު، މިއީ މިމުބާރާތުގެ ފައިނަލްގައި އިނގިރޭސި ދެ ޓީމު ބައްދަލުކުރާވެސް ތިންވަނަ ފަހަރެވެ. ޗެލްސީ ނުކުންނާނީ މެންޗެސްޓާ ސިޓީ އާ ދެކޮޅަށެވެ. މިއީ މިމުބާރާތުގެ ފައިނަލްގައި ސިޓީ ކުޅޭ ފުރަތަމަ ފަހަރެވެ. ސިޓީ ފައިނަލަށް ދަތުރުކޮށްފައިވަނީ މިދިޔަ އަހަރުގެ ރަނަރަފް ޕީއެސްޖީ ބަލި ކުރުމަށް ފަހުއެވެ.
The 2021 #UCLfinal is set! ????
Manchester City ???? Chelsea #UCL pic.twitter.com/9WMV1GzbJu
— UEFA Champions League (@ChampionsLeague) May 5, 2021
ޗެލްސީގެ ފަރާތުން ނުރައްކާތެރި ގިނަ ހަމަލާތަކެއް ފެނިގެންދިޔަ މިމެޗުގެ ފުރަތަމަ އޭރިއާ ތެރޭ ހުހަށްހުރި ޓީމޯ ވާނަރ ކާމިޔާބުކޮށްދިނީ ކައި ހަވެޓްޒް ޗިޕަކުން ގޯލަށް ފޮނުވާލި ބޯޅައެއް ގޯލްގެ މަތީ ދަނޑީގައި ޖެހި ގޯލް ނުކުތް ވަގުތެވެ. ޗެލްސީގެ ދެވަނަ ލަނޑު ދެވަނަ ހާފުގައި ޖަހައިދިނީ މޭސަން މައުންޓެވެ. މައުންޓު މިލަނޑު ކާމިޔާބު ކުރީ ކްރިސްޓިއަން ޕްލިސިޗް ތަނަވަސް ކޮށްދިން ފުރުސަތަކުންނެވެ.
What a game!! So proud of this TEAM. One more ???????????? @ChelseaFC #KTBFFH pic.twitter.com/GNt2CkjSpe
— César Azpilicueta (@CesarAzpi) May 5, 2021
ޗެލްސީގެ ކޯޗު ތޯމަސް ޓުޗެލް އިރުޝާދުގެ ދަށުން ޗެލްސީން މިސީޒަންގެ ފައިނަލަށް ދަތުރުކޮށްފައިވާއިރު، މިދިޔަ ސީޒަންގައި ޕީއެސްޖީވެސް ފައިނަލަށް ގެންގޮސްދިނީ ޓުޗެލްއެވެ. އެހެންކަމުން ތަފާތު ދެޓީމަކާއެކު ޗެމްޕިއަންސް ލީގު ފައިނަަލަށް ޖެހިޖެހިގެން ދެ ފަހަރު ދަތުރުކުރި ފުރަތަމަ ކޯޗަކީވެސް ޓުޗެލްއެވެ.
ޗެލްސީއާއި މެންޗެސްޓަރ ސިޓީ ބައްދަލުކުރާ މިމުބާރާތުގެ ފޯރިގަދަ ފައިނަލް މެޗު ކުޅޭނީ ތުރުކީގެ އިސްތަމްބުލްގައެވެ. މި ފައިނަލް މެޗު އޮންނާނީ މެއި 29 ގައެވެ.
https://feshun.wonstasite.com/120256
