މާލެ ސިޓީގެ ހުޅުމާލެ ދާއިރާގެ ކައުންސިލް މެންބަރު އިބްރާޙިމް ޝުޖާޢު ހުޅުމާލޭގެ މަސްވެރިންނާއި ބައްދަލު ކުރައްވައިފިއެވެ.
ޝުޖާޢު ވިދާޅުވީ ހުޅުމާލޭގެ މަސްވެރިންނާއި ބައްދަލު ކުރެއްވީ ހުޅުމާލެ މަސްވެރިންނަށް ވީ ވަޢުދުތައް ފުއްދުމާ ގުޅޭގޮތުން މަޝްވަރާ ކުރުމަށް ކަމަށެވެ.
އެގޮތުން ޝުޖާއު މިއަދު މަސްވެރިންނާ ބައްދަލުކޮށްފައިވާއިރު، މަސްވެރިން އެދުނު ކަންކަން ލިޔެވި ތަރުތީބު ކުރެވިފައިވާ ގޮތައް ތަންފީޒު ކުރެވޭތޯ މަސްކަތްކޮށް ދޭނެ ކަމުގެ ޔަޤީންކަން ހުރިހާ މަސްވެރިންނަށް އޭނާ ވަނީ އަރުވާފައެވެ.
ޝުޖާޢު އިތުރަށް ވިދާޅުވީ މަސްވެރިންގެ އުޅަނދުތައް އެހެލައި މަރާމާތު ކުރެވޭނެ ވަގުތީ ހައްލަކާއި، ހުޅުމާލެ މަސްވެރިންނަށް މަސްމާރުކޭޓެއްގެ އިތުރުން ސެކުރިޓީ ބެލެހެއްޓޭނެ ގޮތެއް ހޯދުމަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގައި އެދޭނެކަމަށެވެ.
ޝުޖާއު ވިދާޅުވީ މަސްވެރިން އެދުނު ކަންކަން ހައްލުވަންދެން މަސްވެރިންނާއި އެކުގައި އޭނާ ހުންނާނެކަމަށެވެ.
މަސްވެރިންގެ އުޅަނދުތައް އެހެލައި މަރާމާތު ކުރެވޭނެ ވަގުތީ ހައްލަކާއި،ހުޅުމާލެ މަސްވެރިންނަށް މަސްމާރުކޭޓެއްގެ އިތުރުން ސެކުރިޓީ ބެލެހެއްޓޭނެ ގޮތެއް ހޯދުމަށް @hdcmaldives ގައި އަޅުގަނޑު އެދޭނަން.ހައްލުވަންދެން މަސްވެރިންނާއި އެކުގައި ކައުންސިލަރ ހުންނާނަން.@MaleCitymv
— Ibrahim Shujau (@IbrahimShujaau) June 11, 2021
ހުޅުމާލެ ދާއިރާއަށް ޝުޖާޢު އިންތިޚާބު ވުމަށްފަހު އޭނާ އަންނަނީ ހުޅުމާލެއަށް ދިމާވެފައިވާ އެކިއެކި މައްސަލަތައް ޙައްލު ކުރުމަށް ގިނަ މަސައްކަތްތަކެއް ކުރައްވަމުންނެވެ.
