އޮންލައިން އެޕްލިކޭޝަނެއް މެދުވެރިކޮށް އިންޑިއާގެ މުސްލިމު އަންހެނުންތަކެއް ވިއްކަން "ސޭލު" އެޅުވިކަމުގެ ތުހުމަތުގައި ތިން މީހަކު އިންޑިއާ ފުުލުހުން ހައްޔަރުކޮށްފި އެވެ.

މި މައްސަލައިގައި އިންޑިއާ ފުލުހުން ހައްޔަރުކުރީ 21 އަހަރުގެ ދެ ފިރިހެނަކާއި އަދި 18 އަހަރުގެ އަންހެނަކެވެ. މި ތިން މީހުން ހައްޔަރުކުރުމަށްފަހު ފުލުހުން ވަނީ މި މައްސަލައިގައި މި މީހުންނަށް ސުވާލުކޮށްފަ އެވެ.

މުމްބާއީގެ ފުލުހުން ބުނީ، މި މައްސަލައާއި ގުޅިގެން އިތުރު މީހުންތަކެއް ހައްޔަރުކުރުން އެކަށީގެންވާ ކަމަށެވެ.

އިންޑިއާގެ 100 އެއްހާ މުސްލިމު އަންހެނުންގެ ފޮޓޯ ޖަހައިގެން ނީލަމުގެ އުސޫލުން އެމީހުން ވިއްކާލުަމަށް އެޕްލިކޭޝަނެއް ހަދާ ލައިފައި  ވަނީ ވެބް ޕްލެޓްފޯމު ގިޓްހަބަށެވެ. ނަމަވެސް މި މައްސަލަ ހޫނުވުމާއެކު އެ އެޕްލިކޭޝަން މި ހާރުވަނީ އެ ޕްލެޓްފޯމުން ފޮހެލައިފަ އެވެ.

Hi @DelhiPolice. This lot already harassed me by hosting an auction of me and making disgusting lewd comments on me. I had filed an FIR in May with you, but you’ve done absolutely nothing. Now they’re back with this. Good job protecting women. Will you do anything now atleast? https://t.co/HvMlIIho7N

— Hasiba | حسيبة | हसीबा ???? (@HasibaAmin) January 1, 2022

މުމްބާއީގެ ޕޮލިސް ކޮމިޝަނަރ ބުނިގޮތުގައި، މި އެޕްލިކޭޝަން ހެދި ބަޔަކާއި، އެމީހުންގެ މަޤުސަދަކީ ކޮބައިގެން ބުނަން އަދި ތަންކޮޅެއް އަވަހެވެ. އަދި މިވަގުތު ހައްޔަރުކުރި ކޮށްފައި ހުރި ތިން މީހުންގެ މައްޗަށް ކުރަނީ ކޮން ދައުވާއެއް ކަމެއް އަދި ޔަޤީނެއް ނުވެއެވެ.

މުމްބާއީ ފުލުހުން މިދިޔަ އަންގާރަ ދުވަހު ބުނިގޮތުގައި، މި މައްސަލައިގައި ބެންގަލޫރުގައި އިންޖިނިއަރިންގެ ދާއިރާއިން ކިޔަވަމުން އަންނަ ދަރިވަރަކާއި، އުއްތަރުކާންދު ސްޓޭޓުން މީހަކާއި، އަދި ހަމަ އެ ސްޓޭޓުން ކިޔަވާ ދަރިވަރަކުވެސް ވަނީ ހައްޔަރުކޮށްފަ އެވެ.