އައްޑޫ ސިޓީ ހުޅުމީދޫ ގެޔަކުން ވައްކަންކުރި ފިރިހެނަކު ހައްޔަރު ކުރިކަމަށް ފުލުހުން ވިދާޅުވެއްޖެއެވެ.
ފުލުހުން ވިދާޅުވީ، އައްޑޫ ސިޓީ ހުޅުމީދޫ ގެޔަކުން ވައްކަން ކޮއްފައިވާ ކަމަށްބުނެ، ހުށައަޅާފައިވާ މައްސަލައަކާއި ގުޅިގެން، ޖުލައި 17 ވަނަ ދުވަހުރޭ 11:55 ހާއިރު ފުލުހުން ހިންގި އޮޕަރޭޝަނެއްގައި 31 އަހަރުގެ ފިރިހެނަކު ހައްޔަރުކޮއްފައިވާ ކަމަށެވެ.
އަދި މި އޮޕަރޭޝަނުގައި އޭނާ ވަގައްނަގާފައިވާ 13000 ރުފިޔާ ފިޔަވައި އެހެނިހެން ތަކެތި، ފުލުހުންވަނީ ހޯދައިފައެވެ. ވަގައްނަގާފައިވާ ތަކެތިތަކުގެ ތެރޭގައި 1 ރަން ފަށް، ފައިގައި އަޅާ 2 ރަން ކެވެލިކޮޅާއި، އަތުގައި އަޅާ 1 ރަން ކެވެލި ކޮޅުގެ އިތުރުން ރަން ފަށުފުލަކާއި 2 ރަން އަނގޮއްޓި ހިމެނެއެވެ.
ފުލުހުން ވިދާޅުވީ، މި މައްސަލާގައި ހައްޔަރު ކޮއްފައިވާ މީހާގެ ބަންދާއި މެދު ގޮތެއް ނިންމުމަށް ހުޅުމީދޫ މެޖިސްޓްރޭޓް ކޯޓަށް ހާޒިރު ކުރުމުން ބަންދުގައި ބެހެއްޓުމަށް 10 ދުވަހުގެ މުއްދަތެއް ޖަހާފައިވާ ކަމަށެވެ.
