މޫސުން ގޯސްވުމުގެ ސަބަބުން ފުލައިޓުތައް ޑިލޭވުން އެކަށީގެންވާ ކަމަށް ގައުމީ އެއަރލައިން މޯލްޑިވިއަން އިން ބުނެފިއެވެ.
މޯލްޑިވިއަންއިން މިރޭ ކުރި ޓުވީޓެއްގައި މިހެން ބުނެފައިވާއިރު މިދުވަސްވަރަކީ މުޅި ރާއްޖެއަށްވެސް ވަރަށް މޫސުން ގޯސް ދުވަސްވަރެކެވެ. މިގޮތުން ރާއްޖޭގެ ބައެއް ރައްތަކުގައިދަނީ އުދަ އެރުމާއި ފެންބޮޑުވުމުގެ ހާދިސާތައް ހިނގަމުންނެވެ.
މިރޭ 08:00 އިން މާދަމާރޭގެ 08:00 އަށް ރާއްޖޭގެ އެކިހިސާބަށް ގުގުރުމާއިއެކު ވިއްސާރަކުރާނެ ކަމަށާއި އަދި ބައެއް ރަށްތަކަށް ބޯކޮށް ވާރޭވެހޭނެ ކަމަށް މޫސުމާ ބެހޭ ގައުމީ އިދާރާއިން ލަފާކުރެއެވެ. އަދި އުތުރާއި މެދުތެރޭގެ އަތޮޅުތަކަށް ގަޑިއަކު 15 މޭލާއި 25 މޭލާއި ދެމެދުގެ ބާރުމިނުގައި، ވިލާގަނޑުގައި ގަޑިއަކު ގާތްގަނޑަކަށް 45 މޭލުގެ ބާރުމިނަށް ވައިގަދަވުން އެކަށީގެންވޭ ކަމަށްވެސް މޫސުމާ ގައުމީ އިދާރާއިން ބުނެއެވެ.
