ވަގަށް ނަގާފައިވާ ސައިކަލެއްގައި ދަނިކޮށް ވަގަށް ނެގި ފޯނުތަކާއެކު ޒުވާނަކު މާލެއިން ހައްޔަރުކޮށްފިއެވެ.
ފުލުހުން ބުނީ، މިއަދު ގަލޮޅު ފުލުހުން ޕެޓްރޯލް ކުރިއިރު ވަގަށް ނަގައިފައިވާ ސައިކަލެއްގައި ދިޔަ މީހެއް ހުއްޓުވައި ބަލައި ފާސްކުރިއިރު އޭނާގެ އަތުން ވަގަށް ނަގައިފައިވާކަމަށް ބެލެވޭ ތިން ފޯނު އަދި އެކްސްޓާނަލް ހާޑް ޑްރައިވް އެއް ފެނިފައި ވާކަމަށެވެ.
މިމައްސަލައިގައި ފުލުހުންގެ ބެލުމުގެ ދަށަށް ގެނެސްފައިވަނީ އުމުރުން 26 އަހަރުގެ ޒުވާން ފިރެހެނެކެވެ. މީނާއާއި ބެހޭ އިތުރު މައުލޫމާތެއް ފުލުހުން ހާމަކޮށްފައެއް ނުވެއެވެ.
ވައްކަމުގެ މައްސަލަތަކުގައި މީހުން ފުލުހުންގެ ބެލުމުގެ ދަށަށް ވަގަށް ނަގައިފައިވާ ތަކެއްޗާއެކު ގެންނަ މިންވަރު މިފަހުންވަނީ އިތުރުވެގެން ގޮސްފައެވެ.
މިގޮތުން މިފަދަ ގިނަ ފަރާތްތައް ފުލުހުން ހައްޔަރު ކުރަނީވެސް މަގުމަތިންކަން ފާހަގަ ކޮށްލެވެއެވެ.
