އައިޖީއެމްއެޗް ކައިރިން ބައިސްކަލެއް ވަގަށް ނެގި ދިވެހި ފިރެހެނަކު ހައްޔަރުކޮށްފައި ވާކަމަށް ފުލުހުން ބުނެފިއެވެ.
ފުލުހުންބުނީ، ބައިސްކަލެއް ވަގަށްނެގި 51 އަހަރުގެ ދިވެހި ފިރެހެނަކު ފުލުހުންގެ ބެލުމުގެ ދަށަށް ގެނެސްފައި ވާކަމަށެވެ. އަދި މިމީހާ ފުލުހުންގެ ހައްޔަރުކޮށްފައިވަނީ މިރޭ 19:44 ހާއިރު ޕެޓްރޯލް ކުރަމުންދިޔަ މާފަންނު ފުލުހުން ކަމަށެވެ.
މިމައްސަލައިގައި ފުލުހުންވަނީ ވަގަށްނެގި ބައިސްކަލްވެސް ހޯދައިފައެވެ.
ވައްކަމުގެ މައްސަލަތައް އާންމުވަމުން އަންނަ މިފަދަ ދަނޑިވަޅުތަކުގައި ފުލުހުން އަންނަނީ މީހުން ގެންގުޅޭ އަގުބޮޑެތި ތަކެތި ރައްކާތެރިކަންމަތީ ބެހެއްޓުމަށް އިލްތިމާޒް ކުރަމުންނެވެ.
