ވަގަށް ނަގާފައިވާ ޓެބްލެޓް އަކާއި ޖީޕީއެސްއެއް ފުލުހުން ހޯދައިފިއެވެ.
ފުލުހުން ވިދާޅުވީ، ގަލޮޅު ޕޮލިހުން މަގުމަތި ޕެޓްރޯލް ކުރަމުގެ ތެރޭގައި ޝައްކުކުރެވުނު މީހެއް ހުއްޓުވައި ބަލައި ފާސްކުރިއިރު، މީހެއްގެ އަތުން ވަގަށް ނަގާފައިވާކަމަށް ބެލެވޭ ޓެބްލެޓްއަކާއި އޭގެ ކީބޯޑު ކަވަރު ފެނިފައިވާކަމަށެވެ.
އަދި މިމައްސަލާގައި ދިވެހި ފިރިހެނަކު ޙައްޔަރުކޮށް މައްސަލަ ތަޙުޤީޤު ކުރަމުންދާކަމަށްވެސް ފުލުހުންވަނީ ވިދާޅުވެފައެވެ.
މީގެއިތުރުން ފުލުހުން ވިދާޅުވީ، މަގުމަތި ޕެޓްރޯލް ކުރަން އުޅުމުގެ ތެރޭގައި މިއަދު ހެނދުނު 11:55 ހާއިރު ޝައްކުކުރެވުނު މީހެއް ހުއްޓުވައި އޭނާ ބަލައިފާސްކުރެވުނުއިރު، ވަގަށް ނަގާފައިވާކަމަށް ބެލެވޭ ޖީޕީއެސް އެއް އޭނާގެ އަތުން ފެނިފައިވާކަމަށެވެ.
އަދި ފުލުހުން ވިދާޅުވީ މިމައްސަލާގައި އުމުރުން 37 އަހަރުގެ ދިވެހި ފިރެހެނަކު ޙައްޔަރުކުރެވިފައިވާކަމަށެވެ. މިމައްސަލަވެސް ފުލުހުންދަނީ އިތުރަށް ތަޙުޤީޤުކުރަމުންނެވެ.
