ވ. ފެލިދޫއިން އޮޔާދިޔަ ފަތުރުވެރިއަކު އެރަށުގައި މަސައްކަތްކުރާ ފުލުހުން ސަލާމަތް ކޮށްފިއެވެ.
މިއަދު ހެނދުނު ހިނގި މި ހާދިސާގައި ފަތުރުވެރިޔާ އޮޔާދިޔަކަން ފުލުހުންނަށް ރިޕޯޓްކޮށްފައިވަނީ އޮޔާދިޔަ ފަތުރުވެރިޔާގެ އަނބިމީހާއެވެ.
"2020 ޖަނަވަރީ 1 ވަނަ ދުވަހުގެ ހެނދުނު 11:40 ހާއިރު ވ.ފެލިދޫގައި އިޓަލީ ފަތުރުވެރިއަކު ރޮމުން ޕޮލިސް ސްޓޭޝަނަށް އޭނާގެ ފިރިމީހާ އޮޔާދާކަމަށް ބުނުމުން، ފެލިދޫ ޕޮލިސް އިން ވަނީ މޫދަށް އެރި އޮޔާ ދިޔަ ފަތުރުވެރިޔާ ސަލާމަތް ކޮށްފައި." ފުލުހުން ވިދާޅުވިއެވެ.
އޮޔާދިޔަ ފަތުރުވެރިޔާ އެއްގަމާ ހަމައަށް ގެނެސްފައިވަނީ ފުލުހުން ކަމަށާއި، އޭނާގެ ހާލު ރަނގަޅު ކަމަށް ފުލުހުން ވިދާޅުވިއެވެ.
ފަތުރުވެރިން ގެނބިގެން މަރުމާ މައްސަލަތައް ވޭތުވެދިޔަ އަހަރުވެސް ގިނަ އަދަދަކަށް ފެންމަތިވެފައިވެއެވެ.
