ގެއަށް ދާން ނޭނގުނު އުމުރުން ދުވަސްވީ ދެމީހަކަށް ދިވެހި ފުލުހުން އެހީތެރިވެ ގެއަށް ގެންގޮސްދީފިއެވެ.
ފުލުހުން ދާދި ދެންމެ ކުރެއްވި ޓްވީޓެއްގައި ވިދާޅުވީ، ގެއަށްދާން ނޭނގި މަގުމަތީގައި ހުރި އުމުރުން ދުވަސްވީ މީހަކަށް އެހީތެރިވެ، މިއަދު ހަވީރު 03:48 ހާއިރު އާއިލާ ކައިރިއަށް ގެއަށް ގެންގޮސްދީފައިވާ ކަމަށެވެ.
މީގެ އިތުރުން މިރޭ 07:15 ހާއިރުވެސް ސްޓެލްކޯ ކައިރިން އުމުރުން ދުވަސްވީ މީހަކު ގެއަށް ގެންގޮސްދީފައިވާކަމަށް ފުލުހުން ވިދާޅުވިއެވެ.
ފުލުހުންގެ އޯގާތެރި މި އަމަލަށް ގިނަ ބައެއްގެ ތައުރީފް އޮހެމުންދާއިރު، މީގެ ކުރިންވެސް މިފަދަ ހިތްހެޔޮ ފުލުހުންނަށް އެތައް ބައެއްގެ ތައުރީފް ލިބިފައިވެއެވެ.
