މަޝްހޫރު ލަވަކިޔުންތެރިޔާ މުހުތާރު ހޯދަން ފުލުހުން ފޮޓޯ ޢާއްމުކޮށްފިއެވެ.
ފުލުހުން ކުރެއްވި ޓްވީޓެއްގައި ވިދާޅުވީ، މާލޭ ދަފްތަރު ނަންބަރު 8882، މުހްތާރު އާދަމް (48 އަހަރު) ހޯދުމުގެ މަސައްކަތް ފުލުހުން ކުރަމުންދާ ކަމަށެވެ.
"މުހްތާރު ހޯދުމުގެ މަސައްކަތް ފުލުހުން ކުރަމުންދަނީ ސިވިލް ކޯޓަށް ހުށަހެޅިފައިވާ މައްސަލައަކާއި ގުޅިގެން ބަންދުގައި ބަހައްޓައިގެން ކޯޓަށް ހާޟިރުކުރުމަށް." ފުލުހުން ވިދާޅުވިއެވެ.
މުހްތާރު ކޯޓަށް ހާޟިރުކުރަނީ ކޮން މައްސަލައަކާއި ގުޅިގެންކަން އަދި ވަނީ ސާފުވާގޮތް ނުވެފައެވެ.
