ހުޅުމާލޭ މެޖިސްޓްރޭޓް ކޯޓުގެ މެޖިސްޓްރޭޓް އަމްޖަދު ޢަބްދުލްޢަނީގެ ސުލޫކީ މައްސަލައެއް ޖުޑީޝަލް ސާވިސް ކޮމިޝަން (ޖޭއެސްސީން)ން ބަލަން ފަށައިފިއެވެ.
ޖޭއެސްސީއިން ނެރުނު ނޫސްބަޔާނެއްގައި ވިދާލުވީ، 19 ފެބްރުއަރީ 2020 ވަނަ ދުވަހު ޖުޑީޝަލް ސަރވިސް ކޮމިޝަންގެ އިދާރާގެ 16/2020 ވަނަ ބައްދަލުވުމުން ހުޅުމާލޭ މެޖިސްޓްރޭޓް ކޯޓުގެ މެޖިސްޓްރޭޓް އަމްޖަދު ޢަބްދުލްޢަނީގެ ސުލޫކީ މައްސަލައެއް ބެލުމަށް ނިންމާފައިވާކަމަށެވެ.
ނަމަވެސް ޖޭއެސްސީއިން ބަލަމުންދަނީ މެޖިސްޓްރޭޓް އަމްޖަދު ޢަބްދުލްޢަނީގެ ކޮންކަހަލަ ސުލޫކީ މައްސަލައެއްކަން ހާމަކޮށްފައެއްނުވެއެވެ.
މިފަހަކަށްއައިސް ޖޭއެސްސީއިން ގިނަ ފަނޑިޔާރުންގެ ސުލޫކީ މައްސަލަތައް ބަލައި، ފިޔަވަޅު އަޅާފައިވެއެވެ. އަދި ބައެއް ފަނޑިޔާރުން މަޤާމުންވެސް ވަކިކޮށްފައިވެއެވެ.
