ދުނިޔޭގެ ޓީވީ ސިލްސިލާގެ ތާރީހުގައި މިހާތަނަށް ދެއްކި އެންމެ ކާމިޔާބު އެމެރިކާގެ ޓީވީ ޝޯ “ފެރެންޑްސް" ގެ ހާއްސަ ރީޔުނިއަން ނުވަތަ އެނބުރިއައުން ގެނެސްދޭނެކަން އެޗްބީއޯ އިން ޔަގީންކޮށްދީ އިއުލާންކޮށްފިއެވެ.
އެޗްބީ އިއްޔެ ހަވީރު މި ހަބަރު އިއުލާންކުރިއިރު، އެޗްބީއޯ އިން ބުނީ، ފްރެންޑްސް ސީރީޒްގެ ހަ ތަރިން ކަމުގައިވާ، ޑޭވިޑް ޝްވިމާ(ރޮސް)، މެތިއު ޕެރީ(ޗޭންދްލާ)، މެޓް(ޗޯއީ)، ލީސާ ކުޑްރޯ(ފީބީ)، ޖެނިފާ އެނިސްޓަން(ރޭޗަލް)، އަދި ކޯޓްނީ ކޮކްޒް(މޮނިކާ) ފްރެންޑްސް ގެ ހާއްސަ ރީޔުނިއަންއަކާއެކު އެޗްބީއޯ މެކްސް އަށް އަންނާނެކަމަށެވެ.
އެޗްބީއޯ މެކްސް އަކީ، ވަރަށް އަވަހަށް އަންނަން އުޅޭ އޮންލައިން ސްޓްރީމިން ޕްލެޓްފޯމެކެވެ. އަދި ފްރެންޑްސްގެ ހާއްސަ ރީޔުނިއަން ގެނެސްދޭނީ، އަންނަ މެއި މަަހު މި ޕްލެޓްފޯމު ލޯންޗުކުރުމާއެކުއެވެ.
މީގެ އިތުރުން "އެޗްބީއޯ މެކްސް" އިން ފްރެންޑްސްގެ ރީޔުނިއަން އާއެކު ފްރެންޑްސްގެ ކުރީގެ 10 ސީޒަންވެސް ގެނެސްދޭނެކަމަށް އެޗް ބީ އޯ މެކްސް ގެ ޗީފް ކޮނޓެކްޓް އޮފިސަރ ކެވިން ރެއިލީ ވަނީ ބުނެފައެވެ. އަދި މި ރީޔުނިއަންނަށް ދޭނެ ނަމަކީ، "ދަ ވަން ވެއާ އޯލް ގޮޓް ބެކް ޓުގެދާރ" ކަމަށްވެސް އޭނާ ވަނީ ބުނެފައެވެ.
ކާމިޔާބު 10 ސީޒަންނަށްފަހު ފްރެންޑްސް ނިއްމާލިތާ މިހާރރު 15 އަހަރު ވެފައިވާއިރު، އަދިވެސް މި ސީރީޒް ގެ ފޯރިއަށް އެއްވެސް ފަނޑުކަމެއް އައިސްފައެއް ނުވެއެވެ. އަދި އޭގެ ފަހުންވެސް ފްރެންޑްސްގެ ރީޔުނިއަންއެއް 2016 ވަނަ އަހަރު ބޭއްވިނަމަވެސް، އެ ރީޔުނިއަންގައި މެތިއު ޕެރީއަށް ވަނީ ބައިވެރިވެވޭގޮތް ނުވެފައެވެ.
އެއަށްފަހުވެސް އަނެއްކާވެސް ފްރެންޑްސްގެ ރީޔުނިއަންއަކަށް ފޭނުން އިންތިޒާރުކުރަމުން އައިއިރު، އެކި ފަހަރުމަތިން ފްރެންޑްސް އެނބުރި އަންނަން އުޅޭ ކަމަށް ޙަބަރުތައް ވަނީ ފެތުރިފައެވެ. އެހެންނަމަވެސް އެއިން އެއްވެސް ވާހަކައެއް ޔަޤީންވާގޮތެއް ވަނީ ނުވެފައެވެ.
އެހެންނަމަވެސް، މިފަހަރުގެ މި ރީޔުނިއަން އަސްލުވެސް ގެނެސްދޭނެކަން އެޗްބީއޯއިންވެސް މިހާރު މިވަނީ ޔަޤީންކޮށްދީ އިއުލާންކޮށްފައެވެ. އަދި ހަމަ އެހެންމެ ފްރެންޑްސްގެ ހުރިހާ ތަރިންވެސް ވަނީ، އެމީހުންގެ އިންސްޓްގަރްމްގައި ފްރެންޑްސްގެ ރީޔުނިއަން ހިނގާނެކަން ޔަގީންކޮށްދީ އެކަން ހާމަކޮށްފައެވެ. އެހެންކަމުން މިއީ ވަރަށް އުފާވެރި ޙަބަރަކަށް ވެގެންދާނެކަން ގައިމެވެ.
1994 ވަނަ އަހަރުން ފެށިގެން 2004 ވަނަ އަހަރާއި ހަމަ އަށް ގެނެސްދިން މަޝްހޫރު ޓީވީ ސީރީސް “ފްރެންޑްސް” ގެ 10 ސީޒަން ދައްކާފައިވާ މި ސިރީޒްގެ މަޤްބޫލުކަމަށް އަދިވެސް ފަނޑުކަމެއް އައިސްފައިނުވާއިރު މިއީ ދިވެހި ޒުވާނުންގެ މެދުގައިވެސް މަޤުބޫލު ސީރީޒްއެކެވެ
