ކުރިޔަށް އޮތް ލޯކަލް ކައުންސިލް އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ މޮނިޓަރުންނާއި އޮބަޒާވަރުންގެ ގޮތުގައި ކުރިމަތިލުމުގެ މުއްދަތު މާޗު 5 ވަނަ ދުވަހާއި ހަމަޔަށް އިތުރު ކޮށްފިއެވެ.
އިލެކްޝަން ކޮމިޝަން އިން މިއަދު ކުރެއްވި ޓްވީޓެއްގައި ބުނެފައި ވަނީ ލޯކަލް ކައުންސިލް އިންތިޚާބު 2020 އަދި އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ އިންތިޚާބު 2020ގެ މޮނިޓަރ އަދި އޮބަޒާވަރަކަށް ކުރިމަތިލުމުގެ މުއްދަތު 2020 މާޗު 5 ވަނަ ދުވުހުގެ 15:00 އާއި ހަމަޔަށް އިތުރު ކޮށްފައިވާކަމަށެވެ.
އިލެކްޝަން ކޮމިޝަނުން އޮބްޒާވަރ އަދި މޮނިޓަރުންގެ ގޮތުގައި ކުރިމަތިލުމަށް ފުރުތަމަ ފުރުޞަތު ހުޅުވާލާފައިވަނީ މާދަމާގެ 15:00 އާއި ހަމަޔަށެވެ.
ލޯކަލް ކައުންސިލް އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ އިންތިޚާބު އޮންނާނީ އެޕްރީލް 4 ވަނަ ދުވަހު އެވެ. އިންތިޚާބަށް ކުރިމަތި ލުމުގެ މުއްދަތު ހަމަވެފައިވާއިރު އެންމެ ގިނަ ފަރާތްތަކުން ކުރިމަތިލާފައި ވަނީ އެމްޑީޕީން ނެވެ. ދެން އެންމެ ގިނަ ކެނޑިޑޭޓުން ވާދަކުރައްވަނީ އިދިކޮޅު ޕީޕީއެމް އިންނެވެ.
