ކުޅުދުއްފުށިން ފުރައިގެން މާލެއަށް ދަތުރުކުރި ކުޅުދުއްފުށި ބާދު ސާހު ބޯޓުގެ އިންޖީނަށް މައްސަލައެއް ދިމާވެ އިންޖީނު ހުއްޓިއްޖެ އެވެ.
އެމްއެންޑީއެފް އިން ބުނީ ހދ ކުޅުދުއްފުށިން ފުރައިގެން މާލެއަށް ދަތުރުކުރި ބާދުސާހު ބޯޓު ކ. ގާފަރުގެ އުތުރުން 4 ނޯޓިކަލް މޭލު ބޭރުން އިންޖީނު ހުއްޓިގެން އެމްއެންޑީއެފް މާލެ އޭރިއާ ކޯސްޓުގާޑު ސްކޮޑަރުން އެހީތެރިކަން ފޯރުކޮށްދޭން ފަށާފައިވާކަމަށެވެ.
މިކަމާ ބެހޭ މައުލޫމާތު އެމްއެންޑީއެފް އަށް ލިބިފައިވަނީ ރޭ ދަންވަރު 03:15 އެހާއިރު ކަމަށް އެމްއެންޑީއެފް އިން ވަނީ މައުލޫމާތު ދެއްވާފައެވެ.
ބާދުސާހު ބޯޓު ހުއްޓުނުއިރު އެ ބޯޓު މާލެއަށް ދަތުރުކުރަމުން ދިޔައީ 25 މީހުންނާއި އެކު ކަމަށް ވަނީ މައުލޫމާތު ލިބިފައެވެ.
