ކާމިޔާބު ހެއްވާ މެޖާ ސީރީޒް "ބިންގް ބޭންގެ ތިއަރީ" ގައި އެންމެންގެ ލޯބި ހޯދި ކެރެކްޓަރ "ބަރނެޑެޓް" ގެ ރޯލު ކުޅުނު އެކްޓްރެސް، މެލިސާ ރައުޗް އަދި ފިރިމީހާ ވިންސްޓަން ރައުޗް އަށް ފިރިހެން ކުއްޖަކު ލިބިއްޖެއެވެ.

މެލިސާއަށް ފިރިހެން ކުއްޖަކު ލިބުނުކަން އޭނާ ހާމަކުރީ މީގެ ދެ ދުވަސްކުރިން އިންސްޓަގްރަމްގައި ކުރި ޕޯސްޓެއްގައި، އަސަރުން ފުރިގެންވާ މެސަޖަކާއެކުއެވެ. ލޮކްޑައުންގެ މި ދުވަސްކޮޅު މެލިސާ ވިހާފައިވާއިރު، އޭނަގެ މި މެސެޖްގައި ސިއްހީ ދާއިރާގެ ފްރޮންޓް ލައިންގައި މަސައްކަތްކުރާ ހީވާގި މުވައްޒަފުންނަށް ޝުކުރު އަދާކޮށް ތައުރީފްކޮށްފައިވެއެވެ.

މިއީ މެލިސާ އަދި ފިރިމީހާ ވިންސްޓަން އަށް ލިބުނު ދެވަނަ ދަރިފުޅެވެއެވެ. މި ދެމަފިރިން މި ދަރިފުޅަށް ކިޔާފައިވަނީ، ބްރޫކްސް ރައުޗްއެވެ. މީގެ ކުރިން މި ދެމަފިރިންނަށް ލިބިފައިވަނީ، 3 އަހަރުގެ އަންހެން ދަރިފުޅު ސެޑީ ރައުޗްއެވެ.

އަސަރުގަދަ މެސެޖަކާއެކު، މެލިސާ އިންސްޓަގްރަގައި މި ވާހަކަ ހިއްސާކޮށްފައިވާއިރު، މެލިސާ ބުނީ ބުނީ، އޭނަގެ ދަރިފުޅު މިދުނިޔެއަށް އުފަންކޮދިނުމަށް ހޮސްޕިޓަލުގެ ފޮރޮންޓްލައިން "ހީރޯސް" އިން ކޮށްފައިވަނީ ކުޑަ މަސައްކަތެއް ނޫންކަމަށެވެ. އަދި މުޅި ދުނިޔެއަށް ކުރިމަތިވެފައިވާ ހިތްދަތި ވަގުތުގައިވެސް، ޑޮކްޓަރުންނާއި ނަރުހުން ކޮންމެ ދުވަހަކު އޭނަގެ ހާލުބަލަންއައިކަމަށެވެ.

View this post on Instagram

I am incredibly thankful and overjoyed to announce the birth of our son, Brooks Rauch, who we just welcomed into the world and directly into our hearts. His arrival was made possible, in no small part, by the front line heroes - the nurses and doctors who show up each day to make sure that life keeps marching forward, regardless of the circumstances. Words can't describe how grateful I am to have this baby boy join our family, but to say that it is a surreal time to be bringing life into the world is an understatement. Given that, I wanted to share some thoughts with other expectant mothers or “Pandemamamas” - as I like to call us - who are navigating these uncharted waters. Please go to the link in my bio to check out the essay I wrote on the subject for Glamour. As I've previously shared, I am no stranger to loss on the road to motherhood - so to those dealing with infertility or grieving a loss, please know you are in my heart and I’m sending you so much love. ♥️

A post shared by Melissa Rauch (@themelissarauch) on May 4, 2020 at 7:25am PDT

މެލިސާ އާއި ދަރިފުޅުގެ ހާލުވެސް ރަނގަޅު ކަމަށް އޭނާ ބުނެފައިވެއެވެ. އަދި ދެވަނަ ދަރިފުޅު ބްރޫކްސް ލިބުމުން މުޅި އާއިލާ އަށް ވަރަށް ބޮޑޫ އުފަލެއް މިވަގުތު ލިބިފައިވާކަމަށްވެސް އޭނާ ބުންޏެވެ.

"ބިގް ބޭންގެ ތިއަރީ" ގެ 12 ވަނަ ސީޒަން އިން މި ޝޯ މިދިޔަ އަހަރު ނިއްމާލިއިރު، މި ޝޯއަކީ، ސިޓް-ކަމް ސީރީޒްތަކުގެ ތެރެއިން ދުނިޔޭގެ އެންމެ ކާމިޔާބު އެއް ސީރީޒްއެވެ. މެލިސާ ގެ އިތުރުން، މި ސީރީޒްގައި ދެން އުޅުނު ފަސް ތަރިންނަކީވެސް އާއްމުންގެ ވަރަށް ބޮޑު މަޝްހޫރުކަމެއް ހޯދާފައިވާ އެކްޓަރުންނެވެ.