ހުޅުވަން ހުއްދަ ހޯދުމަށްފަހު ބަންދުކޮށްފައި ހުންނަ ދިހާރަތަކަށް ފިޔަވަޅު އަޅާނެކަމަށް މޯލްޑިވްސް ޕޮލިސް ސަރވިސް އިން ވިދާޅުވެއްޖެއެވެ.
ފުލުހުން ވިދާޅުވީ، ފިހާރަ ހުޅުވާފަ ބެހެއްޓުމަށް ހުއްދަ ހޯދުމަށްފަހު ފިހާރަތައް ބަންދުކޮށްފައި ހުންނަކަން ފާހަގަކުރެވިފައިވާ ކަމަށާއި، ފިހާރައިގައި މަސައްކަތްކުރުމަށް ހުއްދަ ދީފައިވާ އަދަދަށްވުރެ އިތުރަށް މީހުން ފިހާރަތަކުގައި ތިބޭކަން ފާހަގަކުރެވިފައިވާ ކަމަށެވެ.
"ފިހާރަ ހުޅުވާފަ ބެހެއްޓުމަށް ހުއްދަ ހޯދުމަށްފަހު ފިހާރަތައް ބަންދުކޮށްފައި ހުންނަކަން ވަނީ ފާހަގަކުރެވިފައި. މީގެ އިތުރުން، ފިހާރައިގައި މަސައްކަތްކުރުމަށް ހުއްދަ ދީފައިވާ އަދަދަށްވުރެ އިތުރަށް މީހުން ފިހާރަތަކުގައި ތިބޭކަންވެސް ވަނީ ފާހަގަ ކުރެވިފައި. ކުރިއަށް އޮތް ތަނުގައި މިގޮތަށް ޢަމަލުކުރާނަމަ ފުލުހުން ފިޔަވަޅު އަޅާނެކަމުގައި ދަންނަވަން." ފުލުހުން ވިދާޅުވިއެވެ.
It has come to our attention that some shops do not open despite being given permission to operate and some shops have a higher number of staff working in the shops than the permitted number.
Action will be taken against those that don't follow the rules.#COVID19Maldives
— Maldives Police (@PoliceMv) May 8, 2020
ލޮކްޑައުންގެ މި ދުވަސްވަރު ފިހާރަތަކުންވެސް ޚިދުމަތް ދެވެނީ ފުލުހުންގެ ހާއްޞަ ހުއްދައާއި އެކު ކަނޑައެޅޭ ވަކި އަދަދަކަށް މުވައްޒަފުންނާއެކުގައެވެ.
ގަވާއިދާ ޚިލާފުވާ ފިހާރަތަކަށް ފިޔަވަޅު އަޅާނެކަމުގެ އިންޒާރު ފުލުހުން ދިންއިރު، ލޮކްޑައުންގެ އަމުރާ ޚިލާފުވާ ފަރާތްތައް ކޮންމެ ދުވަހަކުވެސް ފުލުހުން ދަނީ ޖޫރިމަނާކޮށް، ހައްޔަރުވެސް ކުރަމުންނެވެ.
