ކޮވިޑް-19 އާއި ގުޅިގެން ކިޔަވައިދޭނެ މާއްދާތައް ކަނޑައެޅިއިރު ޤުރުއާން ނުހިމަނާކަމަށް ކުރީގެ ޑީފެންސް މިނިސްޓަރ އަދި ރައްޔިތުންގެ މަޖިލީހުގެ މަޑުއްވަރީ ދާއިރާގެ މެންބަރު އާދަމް ޝަރީފް ވިދާޅުވުމުން އެޑިއުކޭޝަން މިނިސްޓްރީގެ ޑެޕިއުޓީ މިނިސްޓަރ މުޙައްމަދު އިހްސާން ރައްދު ދެއްވައިފިއެވެ.
އިހްސާން ވިދާޅުވީ ކޮވިޑް-19 ގެ ސަބަބުން ސްކޫލްތައް ބަންދުކުރި ކަމުގައިވިޔަސް، ކުރިޔަށް ގެންދާ ކިޔަވައިދިނުމުގެ ހަރަކާތްތަކުގެ ތެރެއިން ކީރިތި ޤުރުއާން އުނިކޮށްފައި ނުވާނެ ކަމަށެވެ.
އާދަމް ޝަރީފު ކުރެއްވި ޓްވީޓެއްގައި ވިދާޅުވެފައިވަނީ ކާރިޝާގެ ވަގުތުތަކުގައި ކިޔަވައިދޭނެ މާއްދާތައް ކަނޑައެޅިއިރު ޤުރުއާން ނުހިމެނުމަކީ ވަރަށް ކަންބޮޑުވާ ކަމެއް ކަމަށެވެ. އިހްސާން ވަނީ މިފަދަ ދަނޑިވަޅެއްގައި މިފަދަ ހަޤީގަތާއި ހިލާފު ވާހަކަ ނުދެއްކުމަށް އެދިވަޑައިގަންނަވާ ކަމަށް ވިދާޅުވެފައެވެ.
Covid 19 ge sababun school thah bandhu kuri kamugai viyas, kuriyah gendhaa kiyavaidhinumuge harakaaiythakuge therein Keerithi Quran unikoffai nuvaane vaahaka dhannavan. Mifadha dhandivalheggai mifadha hageegathaa khilaaf vaahaka nudhekkevun edhen.#StayHome #staysafe https://t.co/Pz65xgCmkf
— Mohamed Ihsaan (@mhdihsaan) May 13, 2020
ބައެއް ސްކޫލް ތަކުން އާންމުކޮށްފައިވާ ތާވަލުގައި ސްކޫލް ތަކުގައި ކުރިންވެސް ޤުރުއާން ކިޔަވައިދިން އުސޫލުން ޤުރުއާން މާއްދާވެސް ވަނީ ހިމަނާފައެވެ.
ކަންކަން އެނގިހުރެ ރައްޔިތުންގެ މެދުގައި މަސްލަޙަތު ގެއްލޭ ފަދަ މެސެޖު ނުފެތުރުއްވުމަށް ހަޔަރ އެޑިއުކޭޝަންގެ ސްޓޭޓް މިނިސްޓަރ މުޙައްމަދު ހާޝިމް ވެސް ވަނީ ގޮވާލައްވާފައެވެ.
