މިއަދު މެންދުރުފަހު މާލެއަށް ބޯކޮށް ވާރޭވެހި ފެންބޮޑުވުމުގެ ސަބަބުން މަގުތަކުން ފެންހިއްކުމަށް ސިފައިން ނިކުމެއްޖެއެވެ.
އެމްއެންޑީއެފް އިން ވިދާޅުވީ، މާލޭ ސިޓީއަށް ބޯކޮށް ވޭރޭވެހި، ބައެއް ސަރަހައްދުތަކުގައި ފެންބޮޑުވުމުގެ ސަބަބުން ޕަމްޕު ބަހައްޓައިގެން ފެން ހިންދުމުގެ މަސައްކަތް ސިފައިން ކުރަމުންދާ ކަމަށެވެ.
މިގޮތުން މިރޭ 18:36 ހާއިރު އެސްޓީއޯ ފުށް ގުދަން ސަރަހައްދުގައި ފެން ބޮޑުވުމުގެ ސަބަބުން އެ ސަރަހައްދުން ފެން ހިއްކުމުގެ މަސައްކަތް ކުރަމުންދާ ކަމަށްވެސް ސިފައިން ވިދާޅުވިއެވެ.
Male' City ah boakoh vaarey vehi baeh Sarahadhdhu thakugai fen boduvumaai gulhigen MNDF Fire and Rescue Service in harakaiytheri vanee. Adhi mirey 18:36 haairu STO fuh gudhan sarahahdhugai fen boduvumaai gulhigen pump bahattaigen fen hiykumuge masahkai dhanee kuramun. pic.twitter.com/otlwTBzT1n
— Maldives National Defence Force (@MNDF_Official) May 18, 2020
އައިޖީއެމްއެޗް ސަރަހައްދަކީ ވިއްސާރަވެއްޖެނަމަ އާންމުކޮށް ފެންބޮޑުވާ ސަރަހައްދެކެވެ. އެ ސަރަހައްދުން ފެންހިއްކުމަށް ސިފައިން ޕަމްޕު ޖެއްސުމަކީ އާންމުކޮށް ކުރާކަމެކެވެ.
ފެންބޮޑުވުމުގެ ސަބަބުން ބައެއް ސަރަހައްދުތަކުގައި ހިނގާ ބިނގާވެ އުޅުމަށް ދަތުވެފައިވާއިރު ދުއްވާ އެއްޗެހި ދުއްވުމަށްވެސް ވަނީ ދަތިވެފަ އެވެ.
މިރޭގެ މޫސުން ކުރިއަށް ލަފާކޮށްފައިވާ ގޮތަށް ބަލާއިރު ރާއްޖޭގެ ހުރިހާ ސަރަހައްދަކަށް ވިއްސާރަ ކުރާނެ އެވެ. ބައެއް ރަށްރަށަށް ބޯކޮށް ވާރޭ ވެހޭނެކަމަށް މެޓުން ލަފާކޮށްފައިވާއިރު ބައެއް ސަރަހައްދުތަކަށް ގުގުރުމާއެކު ބޯކޮށް ވާރޭވެހޭނެ ކަމަށް ވަނީ ލަފާކޮށްފަ އެވެ.
