މެލޭޝިއާގެ ކުރީގެ ބޮޑުވަޒީރު މަހާތިރު މުހައްމަދު އިސްވެ ހުންނަވާ އުފެއްދެވި ޔުނައިޓެޑް އިންޑިޖިނަސް ޕާޓީ އޮފް މެލޭޝިއާއިން އެމަނިކުފާނު ވަކިކޮށްފިއެވެ.
އެޕާޓީން ނެރުނު ބަޔާނެއްގައި ބުނެފައިވަނީ މަހާތިރުގެ މެންބަރޝިޕް ވަގުތުން ވަގުތަށް ބާތިލް ކޮށްފައިވާ ކަމަށެވެ. މަހާތިރު ޕާޓީން ވަކިކުރި އިރު އެމަނިކުފާނަކީ އެޕާޓީގެ ޗެއާރމަންކަން ފާހަގަ ކޮށްލެވެއެވެ.
މައުލޫމާތު ލިބޭގޮތުގައި މަހާތިރު ޕާޓީން ވަކިކޮށްފައިވަނީ ޕާލަމެންޓުގައި ކުރިއަށްދިޔަ ސެޝަންއެއްގައި އިދިކޮޅު ފަރާތްތަކާއެކު މިމަހު 18 ވަނަ ދުވަހު ހުންނެވުމުންނެވެ. އަދި މުހިއްޔުއްދީން ޔާސީން އިސްވެ ހުންނަވާ އުފައްދަވައިފައިވާ މެލޭޝިއާގެ ސަރުކާރަށް މަހާތިރު ތާއީދު ނުކުރައްވާތީއެވެ.
ޔުނައިޓެޑް އިންޑިޖިނަސް ޕާޓީ އޮފް މެލޭޝިއާއިން ނެރެފައިވާ ސިޓީއެއްކަމަށް ބުނެ މީސްމީޑިއާގައި ދައުރުވަމުންދާ ސިޓީއެއްގައި ބުނެފައިވަނީ، މުހިއްޔުއްދީން ޔާސީން ބޮޑުވަޒީރުކަން ގަބޫލު ނުކޮށް އެމަނިކުފާނުގެ ސަރުކާރުވެސް ގަބޫލު ނުކުރާކަން ދެއްކެވުމުގެ ގޮތުން އިދިކޮޅު ފަރާތްތަކާއެކު ހުންނެވި ހިސާބުން މަހާތިރު ޕާޓީއިން އޮޓަމެޓިކުން ވަކިވެފައިވާ ކަމަށެވެ.
It’s official , former pm Dr Mahathir and his son Mukhriz have been axed from Bersatu for going against party constitution by insisting to sit with the opposition in the May 18 parliament session instead of supporting PN led by PM Muhyiddin, Bersatu President cum acting chairman pic.twitter.com/swRSNlmUPE
— Melissa Goh (@MelGohCNA) May 28, 2020
މި ސިޓީއަކީ ސައްހަ ސިޓީއެއްކަން މުހިއްޔުއްދީންގެ އަރިސް ފަރާތްތަކުން ކަށަވަރު ކޮށްދެއެވެ. ނަމަވެސް، މި ސިޓީ މަހާތިރަށް ރަސްމީކޮށް ލިބިފައި ނުވާތީވެ މަހާތިރުގެ ފަރާތުން މިކަމާއި ގުޅިގެން އަދި ވަކިއެއްޗެއް ބުނެފައެއް ނުވެއެވެ.
