ކޮވިޑް-19 އާއި ގުޅިގެން އަޅަފައިވާ ފިޔަވަޅުތަކަށް ލުއިދިނުމާއެކު، ވިޔަފާރި ހުއްދައަށް އެދި މާލެ ސިޓީ ކައުންސިލަށް ގިނަ އަދަދެއްގެ އެޕްލިކޭޝަން ހުށައަޅައިފިއެވެ.
މާލޭ ސިޓީ ކައުންސިލުން ރޭ ވިދާޅުވެފައިވަނީ ކައުންސިލްގެ ޕޯޓަލް މެދުވެރިކޮަށް ވިޔަފާރި ހުއްދަ އަށް 29 މެއި އިން ފެށިގެން މިހާތަނަށް ޖުމްލަ 3480 އެޕްލިކޭޝަންސް ހުށައަޅާފައިވާކަމަށެވެ. އޭގެ ތެރޭގައި 17 ބާވަތެއްގެ ވިޔަފާރި ހިންގުމަށް ވަނީ ހުއްދައަށް އެދިފައެވެ.
މާލޭ ސިޓީ ކައުންސިލުން ރޭ ވިދާޅުވެފައިވަނީ މި އެޕްލިކޭޝަންސް ތަކުގެ ތެރޭގައި ކުންފުނި ތަކުން ހުށައަޅާފައިވާ 2090 އެޕްލިކޭޝަނެއް ހިމެނޭކަމަށާއި މީގެ އިތުރުން 9207 މުވައްޒަފުންގެ ހުއްދައަށްވެސް އެދިފައިވާ ކަމަށެވެ.
ކައުންސިލްގެ ޕޯޓަލް މެދުވެރިކޮަށް ވިޔަފާރި ހުއްދަ އަށް 29 މެއ ި އިން ފެށިގެން މިހާތަނަށް އެދިފައިވާ 17 ބާވަތެއްގެ ވިޔަފާރިތައް ހިންގަާ ފަރާތްތަކުގެ ތަފްސީލް:
ޖުމްލަ އެޕްލިކޭޝަންސް : 3480
ކުންފުނިތައް : 2090
ފާސް އަށް އެދިފައިވާ މުވައްޒަފުންގެ އަދަދު : 9207— Male' City Council (@MaleCitymv) June 2, 2020
ކޮވިޑް-19 އާއި ގުޅިގެން މާލޭ ސިޓީގެ ފުރަބަންދުގެ ޙާލަތުގައި، މާލޭ ސިޓީގައި ވިޔަފާރިކުރުމާއި އާމްދަނީ ލިބޭ ޒާތުގެ ތަފާތު މަސައްކަތްތައް ކުރުމުގެ ހުއްދަ ވަކި އުޞޫލެއްގެ ދަށުން ވަނީ ދޫކުރަން ފަށާފައެވެ.
އެގޮތުން ކޮންސްޓްރަކްޝަން ދާއިރާގެ މަސައްކަތްތައް ކުރުމުގެ ހުއްދަ ހޯދާއިރު، މުވައްޒަފުންގެ މަޢުލޫމާތު ފޯރުކޮށްދިނުމަށް ވަނީ ހަމަޖެހިފައެވެ. އަދި ޤަވާއިދާއި ޚިލާފަށް އުޅޭ ބިދޭސީންނަށް ހުއްދަ ދޫ ނުކުރުމަށް ވަނީ ހަމަޖެހިފައެވެ.
މާލެ ސިޓީ ކައުންސިލުން ވިދާޅުވީ ފާސްއަށް އެދިފައިވާ މުވައްޒަފުންގެ ތެރެއިން ފާސް ދޫކުރެވޭނީ އިކޮނިމިކް މިނިސްޓްރީއިން ކަނޑައަޅާފައިވާ އުސޫލުތަކާއި އެއްގޮތަށް ވަކި އަދަދަކަށް ކަމަށާއި، އެ ކައުންސިލުން ހުރިހާ ތަފްސީލެއް މިހާރު ވަނީ އިކޮނޮމިކްސް މިނިސްޓްރީ އާއި ހިއްސާ ކޮށްފައިކަމަށެވެ.
އެގޮތުން މި މަޢުލޫމާތުތައް ވެރިފައިކޮށް މިއަދު ފުލުހުން ފާސްތައް ދޫކުރަން ފަށާނެ ކަމުގައި މާލެ ސިޓީ ކައުންސިލުން ވަނީ ވިދާޅުވެފައެވެ.
