ކޮވިޑް-19 ގެ ސަބަބުން ދިވެހި ރާއްޖެއަށް ފަތުރުވެރިން ގެނައުން ހުއްޓިފައި އޮތުމަށްފަހު ބޯޑަރު ހުޅުވާލުމަށްޓަކައި ޓުއަރިޒަމް އިޝްތިހާރު ކުރަން ތައްޔާރުކުރި ވީޑިއޯއަށް ހަރަދުވީ 3000 ރުފިޔާ ކަމަށް މިނިސްޓާރ އަލީ ވަހީދު ވިދާޅުވެއްޖެއެވެ.
އަންނަ ޖުލައިމަހު ބޭރުގެ ފަރާތްތަކަށް ރާއްޖޭގެ ބޯޑަރު ހުޅުވާލާނެކަން އިއުލާނު ކުރެއްވުމަށް ޓުއަރިޒަމް މިނިސްޓްރީންް ތައްޔާރުކޮށްފައިވަނީ 56 ސިކުންތުގެ ވީޑިއޯ ކްލިޕް ކޮޅެކެވެ. މި ވީޑިއޯގައި އެކްޓް ކޮށްފައިވަނީ މިނިސްޓާރ އަލީ ވަހީދެވެ.
See you in July ??#VisitMaldives pic.twitter.com/7BXCv9r8oS
— Ali Waheed (@ali20waheed) June 8, 2020
މި ވީޑިއޯގެ މަސައްކަތަކީ ޓްއަރިޒަމް މިނިސްޓްރީ މުވައްޒަފުންގެ ވަރަށް ބުރަ މަސައްކަތެއް ކަމަށް މިނިސްޓާރ އަލީ ވަހީދު ވަނީީ ވިދާޅުވެފައެވެ. އަދި މިނިސްޓަރ ކުރެއްވި ޓްވީޓްގައި 4 މުވައްޒަފެއްގެ ނަންވެސް ވަނީ ފާހަގަކުރައްވާފައެވެ.
އެންމެފުރަތަމަ ފަތުރުވެރިކަން ރާއްޖޭގައި ފެށުނީ 1972 ގައި ކަމަށާއި އަނެއްކާވެސް އުންމީދަކީ މި ޖުލައިމަހު ފަތުރުވެރިކަން ފެށުންކަމަށް އަލީވަހީދުވަނީ ވިދާޅުވެފައެވެ.
