މިޤައުމުގައި ދިވެހިންނަށް ހިމާޔަތް އަބަދުވެސް އޮންނާނެކަމުގައި މަޖިލީހުގެ ކުރީގެ ނައިބު ރައީސް ރީކޯ މޫސަ ވިދާޅުވެއްޖެއެވެ.
ރީކޯ ވިދާޅުވެފައިވަނީ މީ ދިވެހިންގެ ޤައުމުކަމަށާއި، ދިވެހީން ރަހީނުކޮށްގެން ހިފެހެއްޓި ބަޔަކާމެދު ޤާނޫނީ ފިޔަވަޅުއަޅަންޖެހޭނެކަމަށެވެ.
"މުސާރަނުދީގެންވިޔަސް އެހެން ކަމަކުންވިޔަސް އިންސާނުން ރަހީނުކޮށް އަނިޔާކޮށްގެން ނުވާނެ،" ރީކޯ ވިދާޅުވެފައިވެއެވެ. މީގެ އިތުރުން މި ދިޔަމަހު ހުޅުމާލޭގައިވެސް ބަނގްލަދޭޝް މީހުންތަކެއް ވަނީ ފުލުހުންނަށް ހަމަލާދީފައިކަމަށް ރީކޯ ވިދާޅުވެފައިވެއެވެ.
"ދިވެހިންނަށް ހިމާޔަތް، އަޅުންނަށް ލަޓިބުރި" ކަމަށް ވިދާޅުވެ މީހަކު ކޮށްފައިވާ ޓްވީޓަކަށް ރައްދު ދެއްވަމުން ރީކޯ ވިދާޅުވެފައިވަނީ ލަޓިބުރީގެ ވާހަކަ ހުއްޓާލުމަށާއި، މި ޤައުމުގައި ދިވެހިންނަށް ހިމާޔަތް އަބަދުވެސް އޮންނާނެ ކަމަށެވެ.
Latibureege vaahaka huttaalaa migaumuga dhivehinah himayath abadhuves onaane mee dhiveheenge gaumu beyrugaumakun mithan alhuvethi kuraniyyey govaameehun thee ?miadhuves visnunthihuree dhivehin bangaalheenge raheenungegothuga thibentho???
— Reekomoosa (@ReekoMoosa) July 3, 2020
ރީކޯ އިތުރަށް ވިދާޅުވެފައި ވަނީ ބަންގްލަދޭޝް މީހުންނާއެކު މަސައްކަތްކުރާ ދިވެހިންނަށް ސަލާމަތާއި ރައްކާތެރިކަން ކަށަވަރުވާންޖެހޭކަމަށާއި، ފައިސާގެ އެކި މުއާމަލާތްތަކުގައާއި މަސައްކަތުގެ މައިދާނުގާ ތިބި ބައެއް ދިވެހިންނަށް ހަމަލާދީ ބަންގްލަދޭޝް މީހުން ދިވެހިންގެ ކަރުބުރިކޮށް ޝަހީދުކޮށްފައި އެބަހުރިކަމަށެވެ.
