ރާއްޖޭގައި ބޭއްވޭ އެންމެ ބޮޑު ފޫސްބޯލް ޓާނަމެންޓް އައްޑޫ ސިޓީ ހިތަދޫގައި ފެށުމަށް ތައްޔާރުވެއްޖެއެވެ.

މާދަމާ ފެށުމަށް ހަމަޖެހިފައިވާ މިމުބާރާތުގެ ނަމަކީ 'ޖިއޯ ވޭވް އައްޑޫ ސިޓީ ފޫސްބޯލް ޓާނަމެންޓް 2020' އެވެ.

ޖުމްލަ 16 ޓީމަކުން ބައިވެރިވާ މިމުބާރާތުގެ ޤުރުއަތުލުން މިރޭ ބޭއްވުމަށް ހަމަޖެހިފައިވާއިރު، މިރޭ 20:30 ހާއިރު ބޭއްވުމަށް ހަމަޖެހިފައިވާ މިޤުރުއަތުލުން ކުރިއަށްދާނީ ހިތަދޫ ޢިޖުތިމާޢީ މަރުކަޒުގައެވެ. މިމަހުގެ 12 އިން މަހުގެ 15 އަށް ކުރިއަށްދާ ފޯރިގަދަ މިމުބާރާތުގެ ހުރިހާ މެޗުތަކެއްވެސް ކުޅުމަށް ހަމަޖެހިފައިވަނީ ހިތަދޫ ޢިޖުތިމާޢީ މަރުކަޒުގައިކަމަށް މުބާރާތް އިންތިޒާމުކުރާ ފަރާތުންވަނީ މަޢުލޫމާތު ދީފައެވެ.

Hello friends at @CityOfAddu ?? We’re hosting #GeoWave Adducity Foosball Tournament 2020 at Hithadhoo Community Centre.

A total of 12 teams will be taking part on the tournament.

Thank you our friends at Addu City for organizing the most anticipated event of 2020 ⚽️? pic.twitter.com/PHTl0v621O

— Geo Wave Pvt Ltd (@geo_wave) July 10, 2020

މީގެއިތުރުން މިމުބާރާތް އިންތިޒާމުކުރާ ފަރާތުން ބުނީ، ޖުމްލަ 32 ކުޅުންތެރިންގެ މޮޅު އެތަށް ހުނަރެއް ފެނިގެންދާ މިމުބާރާތަކީ އައްޑޫ ސިޓީގައި މިއަހަރު ބޭއްވޭނެ އެންމެ ފޯރިގަދަ މުބާރާތްކަމަށެވެ. މިމުބާރާތުގެ ޗެމްޕިއަން ޓީމަށް 5000 ރުފިޔާގެ އިނާމެއް ހުށަހަޅާފައިވާއިރު ދެވަނައަށް އަންނަ ޓީމަކަށް 2500 ރުފިޔާގެ އިނާމެއްވަނީ ހުށަހަޅާފައެވެ. އަދި މުބާރާތުގެ ތިންވަނައަށް އަންނަ ފަރާތަކަށް 1000 ރުފިޔާގެ އިނާމެއްވަނީ ހުށަހަޅާފައެވެ.