އިންޑިއާގެ އަސްކަރީ މަތިންދާބޯޓު ރާއްޖެއަށް ގެންނާތީ، ހެންވޭރު ދެކުނު ދާއިރާގެ މެމްބަރު ހުސެއިން ޝަހީމް އިންޑިއާއަށް ޝުކުރު ދަންނަވައިފިއެވެ.
ޝަހީމް (އަނދުން ހުސެއިން) ކުރެއްވި ޓުވީޓެއްގައި ވިދާޅުވެފައިވަނީ ޑޯނިއާ މަތިންދާބޯޓެއް ރާއްޖެއަށް ދީ ރާއްޖޭގެ ޤައުމީ ސަލާމަތަށް އެހީތެރިވިކަމަށްޓަކާ ޝުކުރު ދަންނަވާ ކަމަށެވެ. އަދި ރާއްޖެއަށް އަބަދުވެސް އެންމެ ކުރިން އެހީވަނީ އިންޑިއާއިން ކަމަށް ޝަމީމް ވިދާޅުވިއެވެ.
My sincere gratitude to the government of India for aiding our national security with the Dornier aircraft.India has proven to be the first in line to help Maldives at all times @HCIMaldives @MoFAmv @abdulla_shahid @MariyaDidi
— Hussain Shaheem (@AndhunHussain) July 22, 2020
އިންޑިއާ އިން ރާއްޖެ ގެނައުމަށް އެއްބަސްވެފައިވަނީ ޑޯނިއާ 288 މަރުކާގެ ބޯޓެކެވެ. މިއީ އިންޑިއާގެ ނޭވީގައި ބޭނުން ކުރަމުންދާ އެ ޤައުމުން އުފައްދާ އަސްކަރީ މަތިންދާބޯޓެކެވެ. އިންޑިއާގެ އަސްކަރީ މި މަތިންދާބޯޓު ރާއްޖެ ގެންނައިރު އިންޑިއާ މީހުން އެ ބޯޓު ދުއްވަންވެސް އަންނަނެއެވެ.
ދިވެހިރާއްޖެއަށް މީގެ ކުރިން އިންޑިއާއިން ވަނީ 2 ހެލިކޮޕްޓަރު ހަދިޔާކޮށްފައެވެ. މި 2 ހެލިކޮޕްޓަރު ވެސް ދުއްވާފައިވަނީ އިންޑިއާގެ ސިފައިންނެވެ.
