ރައްޔިތުން މަޖިލީހުގެ ތިމަރަފުށީ ދާއިރާގެ ކުރީގެ މެމްބަރު މުހައްމަދު މުސްތަފާއަށް ހާޓްއެޓޭކެއް ޖެހިގެން ހޮސްޕިޓަލުގައި ފަރުވާދޭން ފަށައިފި އެވެ.
މައުލޫމާތު ލިބިފައިވާ ގޮތުގައި މުސްތަފާއަށް ހާޓްއެޓޭކް ޖެހުމާއެކު އައިޖީއެމްއެޗްއަށް ގެންގޮސް ދަނީ ފަރުވާ ދެމުންނެވެ.
އަޅުގަޑުގެ އަޚު އަދި ތިމަރަފުށި ދާއިރާގެ ކުރީގެ މެމްބަރު މުހައްމަދު މުސްތަފާ ކުއްލި އާލާސްކަންފުޅެއްގައި އައިޖީއެމްއެޗްގައި ދަނީ ފަރުވާހޯއްދަވަމުން. އަވަސް ޝިފާޔަކަށް އެދި ދުޢާ ދަންނަވަން. @Thimarafushi pic.twitter.com/6F75jvftd8
— Abdulla Riyaz MP (@riyazabdulla) July 27, 2020
މުސްތަފާގެ އާއިލާގެ މެމްބަރަކާއި ހަވާލާދީ "ހަމައެމްވީ" ނޫޙުގައި ރިޕޯޓް ކޮށްފައިވާ ގޮތުގައި މުސްތަފާގެ ހިތުގެ ބައެއް ނާރުތައް ބްލޮކްވެފައި ހުރުމުން ރޭ ވަނީ ސަރޖަރީއެއް ހަދާފައެވެ. އަދި މިހާރު މުސްތަފާގެ ހާލު އަންނަނީ ރަނގަޅުވަމުން ކަމަށްވެސް ބުނެފައިވެއެވެ.
މުސްތަފާ އަކީ ނިމިދިޔަ 18 ވަނަ ރައްޔިތުންގެ މަޖިލީހުގެ މެމްބަރު ކަމުގައި ހުންނަވަނިކޮށް ޕީޕީއެމުން ވަކިވެގެން ކަމަށް ބުނެ ގޮނޑި ގެއްލުވާލި 12 މެމްބަރުންގެ ތެރޭގައި ހިމެނޭ މެމްބަރެކެވެ. ނަމަވެސް ސުޕްރީމް ކޯޓުން ފަހުން ވަނީ ގޮނޑި ނުގެއްލޭ ކަމަށް ނިންމާފަ އެވެ.
