ހަބަރުހުސްވެގެން ވެރިރަށް މާލޭ މަޖީދީމަގަށް ވެއްޓިފައި އޮތް މީހަކު ފެނިއްޖެއެވެ.
އެމީހާ ވެއްޓިފައި އޮތީ މަޖީދީމަގުގައި ހުންނަ ކޮންޑެކޯ ފިހާރަ ކުރިމައްޗަށެވެ. އެސަރަޙައްދުގައި އެންބިއުލާންސްއާއެކު ފުލުހުންދަނީ ހަރަކާތްތެރިވަމުންނެވެ.
ފުލުހުން ވިދާޅުވި ގޮތުގައި އެމީހާ މަގުމައްޗަށް ވެއްޓިފައިވަނީ ހަބަރުހުސްވެގެންނެވެ. އަދި އެމީހާ ވެއްޓިފައިވަނީ ހިނގާފައި އަންނަނިކޮށްކަމަށް މަންޒަރުދުން ފަރާތްތަކުންވަނީ ބުނެފައެވެ.
ފުލުހުން ވިދާޅުވީ، މަޖީދީމަގު، ނަލަހިޔާކައިރި މަގުމައްޗަށް މީހަކު ވެއްޓިފައިއޮތްކަމުގެ މަޢުލޫމާތު މިރޭ 19:48 ހާއިރު ލިބިފައިވާކަމަށެވެ.
ވެއްޓިފައިވަނީ ބިދޭސީއެއްކަމަށާއި، އެމީހާ ވެއްޓިފައިވަނީ ބޮލަށް އެނބުރުން އަރައިގެންކަމަށް މަޢުލޫމާތު ލިބިފައިވާކަމަށްވެސް ފުލުހުން ވިދާޅުވިއެވެ.
އަދި އެމިހާ މިހާރުވަނީ އައިޖީއެމް ހޮސްޕިޓަލަށް ގެންސގޮސްފައެވެ.
