ހެލްތް ޕްރޮޓެކްޝަން އޭޖެންސީ (އެޗްޕީއޭ) ގެ އުޞޫލުތަކަށް ތަބާވާންޖެހެނީ ހަމައެކަނި ވާދަވެރި ސިޔާސީ ފަރާތްތަކުން ކަމާމެދު އިދިކޮޅު ޕީއެންސީގެ ރައީސް ފޮނަދޫ ދާއިރާގެ ކުރީގެ މަޖިލިސް މެންބަރު ޢަބްދުއްރަހީމް ޢަބްދުﷲ (އަދުރޭ) ސުވާލު އުފައްދަވައިފިއެވެ.
އަދުރޭ މިފަދަ ސުވާލެއް އުފައްދަވާފައިވަނީ، އެމްޑީޕީގެ އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދުއާއި، ބައެއް ވަޒީރުންނާއި، އެމްޑީޕީއަށް ނިސްބަތްވާ ބައެއް މަޖިލިސް މެންބަރުން ދާދި ފަހުން މާސްކް ނާޅުއްވާ އެކިއެކު ހަރަކާތްތަކުގައި ބައިވެރިވެވަޑައިގަންނަވަނިކޮށް ނަގާފައިވާ ފޮޓޯޓަކަކާއެކު ކުރެއްވި ޓްވީޓެއްގައެވެ.
ރައީސުލްޖުމްހޫރިއްޔާ އިބްރާހީމް މުޙައްމަދު ޞޯލިޙް (ރައީސް ޞޯލިޙް) ޓްގްކުރައްވައި ޓްވިޓަރގައި އަދުރޭ ވިދާޅުވީ، "މި ފޮޓޯތަކުން މިފެނިވަޑައިގަންނަވާ ބޭފުޅުންނަށް ޗިޓް ފޮނުވަން "ޅިޔަނު ޕޮލިސް ކޮމިޝަނަރު މުޙައްމަދު ހަމީދަށް" އަންގާލަންވީ ނޫންތ؟ޯ" ކަމަށެވެ.
"އެޗްޕީއޭގެ ގަވާއިދަށް ޢަމަލުކުރަންޖެހެނީ ހަމައެކަނި ވާދަވެރި ސިޔާސީ ފަރާތްތަކުންތޯ؟ ކީރިތި ނުކުރައްވާ ޖަވާބެއް ދެއްވަބައްލަވާ!" އަދުރޭގެ ޓްވީޓް ކުރުކޮށްލަމުން ވިދާޅުވެފައެވެ.
@ibusolih mi photo thakun mifenna beyfulhunnah chit fonuvan lhiyanu @M_Hameedh ah angavaalanvee noontho? HPA ge gawaaidhah amalu kuran jehenee hama ekani vaadhaveri siyaasee faraiythakuntho? Keerithi nukurahvaa javaabeh dhehva bahlavaa! @Ch13official @DhiyaresNews @dhenonline pic.twitter.com/OeMgFcfGEa
— Abdul Raheem Abdulla (@Banafsaa) August 30, 2020
މިފަދަ ބަހުގެ ހޫނު ބަހުގެ ހަމާލާއެއް ރައީސް ޞޯލިހަށް އަމާޒުކުރައްވާފައި މިވަނީ ހުކުރު ދުވަހު ހަވީރު އިދިކޮޅު ފަރާތްތަކުން މާލޭގައި ގިނަ އަދަދެއްގެ ޒުވާނުންނާއެކު ބޭއްވި ސައިކަލު ބުރުގައި މާސްކް ނާޅުއްވައި އުޅުނު މައްސަލައިގައި، ޕީއެންސީގެ ނައިބު ރައީސް އިބްރާހިމް ޝުޖާއު ހެލްތް ޕްރޮޓެކްޝަން އެޖެންސީ (އެޗްޕީއޭ)ގެ ގައިޑްލައިންތަކާއި ހިލާފަށް އަމަލުކޮށްފައިވާތީ 1000 ރުފިޔާ އިން ޖޫރިމަނާ ކޮށްފައިވަނިކޮށެވެ.
Cycle buruga baiverivi komme zuvaanakah edhuvahu ethanun MVR 1000 ge joorimanaa slipeh dhevvinama haadha rangalhu veehey dhetho.Heyovaruge aamdhanee eh dhaulathah libunees.Aamdhanee hoadhaane ehengotheh neyngey sarukaarakah ranuge furusathakah vees dhetho @ibusolih @Ch13official
— Abdul Raheem Abdulla (@Banafsaa) August 30, 2020
އިދިކޮޅު ފަރާތްތަކުގެ ސައިކަލު ބުރުގައި އިސްކޮށް އުޅުނު ފަރާތްތައް ފުލުހަށް ހާޟިރުވުމަށް އަންގާފައިވާއިރު، ރައީސް ނަޝީދު އަދި ސަރުކާރުގެ ބައެއް މިނިސްޓަރުންނާއި، ސަރުކާރަށް ނިސްބަތްވާ ރައްޔިތުންގެ މަޖިލީހުގެ ބައެއް މެންބަރުން މާސްކް ނާޅުއްވައި، ގަައިދުރުކަން ނުބަހައްޓަވާ އުޅުއްވި މައްސަލަތަކާ ގުޅޭގޮތުން ފުލުހުންނާ މީޑީއާތަކުން ސުވާލުކުރުމުން ފުލުހުން ހުންނެވީ ހަނެވެ. މިހާތަނަށް އެކަމާމެދު ފުލުހުން ވަކި އެއްޗެއް ވިދާޅެއް ނުވެއެވެ.
އިދިކޮޅު ފަރާތްތަކުން މާލޭގައި ސައިކަލު ބުރެއް ބާއްވާފައިވަނީ މިފަދަ އެއްވުންތައް ނުބޭއްވުމަށް ހެލްތު ޕްރޮޓެކްޝަން އޭޖެންސީއިން އަންގާފައިވަނިކޮށެވެ.
ރީތި ޗިޓެކޭ ނު ބުނެވޭނެހޭ؟. އޭ އަސަރު ފަނޑުވެގެން ދާނެހޭ؟. މަރުވެގެން ގައުމު ދާ ޙާލުގައި
ވެސް ނިދަން ގޭގަ އޮވެވޭނެހޭ؟ pic.twitter.com/VzSslJULsy— Abdul Raheem Abdulla (@Banafsaa) August 30, 2020
