ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު އަބްދުﷲ ޖާބިރުގެ މާލީ ބަޔާން މަޖިލީހުގެ ގަވާއިދުގެ ތެރެއިން އިތުރަށް ދީފައިވާ 14 ދުވަސްތެރޭ ހުށަހަޅުއްވާނެކަމަށް އެބޭފުޅާ ލީޑާރޝިޕް އަދާކުރައްވާ ޑީއާރުޕީއިން ވިދާޅުވެއްޖެއެވެ.
ޑީއާރުޕީއިން މިހެން ވިދާޅުވެފައި މިވަނީ، ގާނޫނު އަސާސީގެ 76 ވަނަ މާއްދާގައިވާ ގޮތުން ކޮންމެ މެމްބަރަކު ވެސް އަހަރަކު އެއްފަހަރު މަޖިލީހުގެ އަމީންއާންމަށް ހުށަހަޅަން ޖެހޭ މާލީ ބަޔާން ޖާބިރު މިއަހަރު ހުށަހަޅުއްވައިފައި ނުވާތީވެ މާލީ ބަޔާން ހުށަހެޅުއްވުމަށް މަޖީލީހުން ފޮނުވި ސިޓީއަށް ޖަވާބު ދެމުންނެވެ.
ސިޓީ މީސްމީޑިއާ ވެބްސައިޓު ޓުވިޓާގައި ހިއްސާ ކުރަމުން ޑީއާރުޕީ އިން ބުނެފައިވަނީ، ޖާބިރުގެ މާލީ ބަޔާން މަޖިލީހުގެ ގަވާއިދުގެ ތެރެއިން އިތުރަށް ދީފައިވާ14 ދުވަހުގެ މުހުލަތުގައި ހުށަހަޅާނެ ކަމަށެވެ. އަދި ބަޔާން ކަނޑައެޅިފައިވާ ދުވަހަށް ހުށަނޭޅިވަނީ ބޭނުންވާ ބަޔެއް މައުލޫމާތުތައް ހޯދުމުގައި ކޮވިޑް-19 އާއި ގުޅިގެން ދަތިތަކެއް ހުރުމުން ކަމަށެވެ.
#DRP Leader MP @chairmanjabir ge maalee bayaan majlisge gavaidhuge therein ithurah dhevvaafaivaa 14dhuvahuge muhulathugai husha alhuvvaane. Bayaan husha elhun lasvee beynunvaa baeah mauloomaathuthah hoadhumugai Covid19 aaigulhigen dhathithakeah hurumun. Shukuriyya @VaguthuOnline pic.twitter.com/pF5N4XKb5O
— DRP (@drpmaldives) September 8, 2020
ރައްޔިތުން މަޖިލީހުގެ މެންބަރުން މާލީ ބަޔާން ހުށަހަޅުއްވަން ޖެހޭނެ ކަމަށް ގާނޫނު އަސާސީއާ މަޖިލީހުގެ ގަވާއިދުގައި ބަޔާންކޮށްފައިވާއިރު މި ބަޔާން ހުށަހަޅުއްވައިފައި ނުވާ މެންބަރުންގެ ތެރޭގައި ހިމެނެނީ ޖާބިރުގެ އިތުރުން މުލަކު ދާއިރާގެ މެންބަރު އިބްރާހީމް ނަސީރު އެވެ. މި ދެ މެންބަރުން ފިޔަވައި ބާކީތިބެ ހުރިހާ މެންބަރުންގެ މާލީ ބަޔާންވަނީ ހުށަހަޅުއްވައިފައެވެ.
