ވަގަށް ނަގާފައިވާ ކަމަށް ތަށިމުށިތަކެއް ވިއްކަން އުޅެނިކޮށް ފުލުހުން މީހަކު ހައްޔަރުކޮށްފިއެވެ.
ފުލުހުން ވިދާޅުވީ، ގދ.ދާންދޫގައި ވަގަށް "ނަގާފައިވާކަމަށް ބެލެވޭ ތަށިމުށިތަކެއް" ވިއްކަން އުޅުނު 33 އަހަރުގެ ފިރިހެނެއް ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ.
މި މައްސަލައިގައި މީހަކު ހައްޔަރުކުރުމުގެ އިތުރުން ތަށިމުށިތައް އެ ތަކެތީގެ ވެރިފަރާތާ ހަވާލުކޮށްފައިވާ ކަމަށް ފުލުހުން ވިދާޅުވިއެވެ.
ތަށިމުށިތަކެއް ވަގަށް ނެގި މައްސަލަ ދާންދޫ ޕޮލިސް ސަޓޭޝަނުން ތަޙްޤީޤު ކުރަމުންދާއިރު، ކައްކާ ގޭސްފުޅިއެއް ވަގަށް ނެގި މީހަކުވެސް އިއްޔެ ވަނީ ފުލުހުން ހައްޔަރުކޮށްފައެވެ.
