ކޮވިޑް-19 ގެ ހާލަތާއި ގުޅިގެން މެދުކަނޑާލާފައި އޮތުމަށްފަހު މާލެ ސިޓީގައި ގްރޭޑް7 އަދި8 ގެ ކިޔެވުން ފެށުމަށް ނިންމައިފިއެވެ.
މިނިސްޓްރީ އޮފް އެޑިޔުކޭޝަނުން ވިދަޅުވެފައި ވަނީ ކޯވިޑް-19 ގެ މިހާރުގެ ހާލަތަށް ރިޢާޔަތްކޮށް، ހެލްތް ޕްރޮޓެކްޝަން އެޖެންސީގެ ލަފާގެ މަތިން، އޮކްޓޫބަރުމަހުގެ 19 އިން ފެށިގެން މާލޭ ސިޓީގެ ސްކޫލްތަކުގައި ގްރޭޑް 8 ގެ ކިޔެވުން ފެށުމަށް ނިންމާފައިވާ ކަމަށެވެ.
މީގެ އިތުރުން އޮކްޓޫބަރުމަހުގެ 25 އިން ފެށިގެން މާލޭ ސިޓީގެ ސްކޫލްތަކުގައި ގްރޭޑް 7 ގެ ކިޔެވުން ފެށުމަށްވެސް ނިންމާފައިވާ ކަމުގައި އެމިނިސްޓްރީން ވަނީ ވިދާޅުވެފައެވެ.
ކޯވިޑް-19 ގެ މިހާރުގެ ހާލަތަށް ރިޢާޔަތްކޮށް، @HPA_MVގެ ލަފާގެ މަތިން، އޮކްޓޫބަރުމަހުގެ 19 އިން ފެށިގެން މާލޭ ސިޓީގެ ސްކޫލްތަކުގައި ގްރޭޑް 8 ގެ ކިޔެވުން ފެށުމަށް މި މިނިސްޓްރީން ވަނީ ނިންމާފައި.
— Ministry of Education (@MoEdumv) October 11, 2020
ކޮވިޑް-19 ގެ ނުރައްކާތެރިކަން މާލޭގައި އިތުރުވުމާއި އެކު، ސުކޫލް ތަކުގެ ކިޔެވުން މަހަކަށް ވުރެ ގިނަ ދުވަހު ހުއްޓާލާފައި އޮތުމަށްފަހު މާލޭސިޓީގެ ސްކޫލްތަކުގައި ގްރޭޑް 9 - 12 ކިޔަވައިދޭން ފަށާފައި ވަނީ އޮކްޓޫބަރު 4 ވަނަ ދުވަހުއެވެ.
ކޮވިޑް-19ގެ ފުރަބަންދަށް ދިން ލުއިތަކާއެކު ޖުލައިމަހުގެ 1 ވަނަ ދުވަހު އަތޮޅު ތެރޭގެ ސްކޫލްތައް ހުޅުވާ ގުރޭޑް 1 އިން 12 އަށް ކިޔަވައިދޭން ވަނީ ފަށާފައެވެ. ނަމަވެސް މާލެ ސިޓީގެ ސްކޫލްތަކުގައި ކިޔަވައިދެމުން ދިޔައީ ގްރޭޑް 9 އިން 12 އަށެވެ.
ނަމަވެސް މާލެ ސިޓީގައި ދިޔައީ އޮންލައިންކޮށް ދަރިވަރުންނަށް ކިޔަވައި ދެމުންނެވެ.
