އޭޑީކޭ އިން ވަގަށް ނެގި އަތް ހިއްކާ މެޝިންތައް އަނބުރާ ގެނެސްދީފިއެވެ.
އޭއޭޑީކޭ ހޮސްޕިޓަލުގެ އެކި ފާހާނަތަކުގައި ހަރުކޮށްފައި ހުރި މިމެޝިންތައް ވަގަށް ނެގި ކަމަށް ތުހުމަތުވާ މީހާ ފެންނަ ސީސީޓީވީ ފުޓެޖް ވެސް އޭޑީކޭއިން އާންމުކޮށްފައެވެ. އަދި އެއީ ވަރަށް ފަހުން އެހޮސްޕިޓަލުގައި ހަރުކުރެވުނު މެޝިންތަކެއްކަމަށް އޭޑީކޭއިން ބުނިއިރު، އާންމުކޮށްފައިވާ ވީޑިއޯއިން ފެންނަނީ މާސްކެއް އަޅައިގެން، ބޮޑު ދަބަހެއް ކޮނޑުގައި އަޅުވައިގެން ހޮސްޕިޓަލަށް ވަންނަ ފިރިހެނެކެވެ. އަދި އޭނާ ފިރިހެނުންގެ ފާހާނައިގެ އިތުރުން އަންހެނުންގެ ފާހާނާއަށް ވެސް ވަދެ ނުކުންނަ މަންޒަރު ވީޑިއޯ އިން ފެނެއެވެ.
އޭޑީކޭއިން މި ވީޑިއޯ އާންމުކޮށްފައިވަނީ މީގެ 4 ދުވަސް ކުރިންނެވެ.
The stolen hand dryer was today found returned to the hospital. Some minor damages yet in working condition. This was left in the open area in a garbage bag. pic.twitter.com/bFQyYH5arp
— ADK Hospital (@ADKHospital) October 19, 2020
ނަމަވެސް މިމެޝިންތައް އަނބުރާ އެހޮސްޕިޓަލަށް ގެނެސްފައިވާކަމަށް އޭޑީކޭއިން މިއަދުވަނީ ބުނެފައެވެ. ޓްވިޓާރ މެދުވެރިކޮށް އެޑީކޭއިން ބުނީ ވަގަށް ނެގި އަތް ހިއްކާ މެޝިންތައް މިއަދު ހޮސްޕިޓަލަށް އަނބުރާ ގެނެސްފައިވާ ކަމަށާއި، އެ މެެޝިންތައް ފެނިފައި ވަނީ ކުނި އުކާ ސަަރަހައްދުންގައި ހުއްޓާކަމަށެވެ.
އަދި މިމެޝިންތަކަށް ކުދިކުދި ގެއްލުންތައް ލިބިފައިހުރިނަމަވެސް، މެޝިންތައް ބޭނުންކުރެވޭކަމަށްވެސް އޭޑީކޭއިން ބުންޏެވެ.
