ވޯލްޑް ހެލްތް އޯރގަނައިޒޭޝަން (ޑަބްލިއުއެޗްއޯ) ގެ ޑިރެކްޓަރު ޖެނެރަލް ޓެޑްރޯސް އަދަނޮމް ގެބްރެޔެސަސް ކޮވިޑް-19 އަށް ޕޮޒިޓިވްވެފައިވާ މީހަކާ ޑައިރެކްޓް ކޮންޓެކްޓްވުމުގެ ސަބަބުން ކަރަންޓީނަށް ވަޑަގަންނަވަން ޖެހެއްޖެއެވެ.
ޓެޑްްރޯސް ކުރެއްވި ޓްވީޓެއްގައި ވިދާޅުވީ ކޮވިޑް-19 އަށް ޕޮޒިޓިވްވެފައިވާ މީހަކާ ޑައިރެކްޓް ކޮންޓެކްޓް ވެފައިވީނަމަވެސް އޭނާގެ ހާލު ރަނގަޅުކަމަށާއި އަދި ކޮވިޑް19 ގެ އެއްވެސް އަލާމަތެއްވެސް ނުފެންނަކަމަށެވެ. ނަމަވެސް ޑަބްލިއުއެޗްއޯގެ ގަވާއިދުގައިވާ ގޮތުގެ މަތިން ކުރިއަށް އޮތް ދުވަސްކޮޅު ޓެޑްރޯސް ހުންނަވާނީ ކަރަންޓީނުގައެވެ. އަދި މި ދުވަސްކޮޅު މަސައްކަތް ކުރިއަށްގެންދަވާނީ ގޭގައިހުންނަވަިގެންކަމަށްވެސް ޓެޑްރޯސް ވަނީ ވިދާޅުވެފައެވެ.
މި ދުވަސްވަރު އެންމެ މުހިންމު ކަމަކީ ސިއްހީ ގައިޑްލައިންތަކާ އެއްގޮތަށް އުޅުން ކަމަށާއި ވައިރަސް އިތުރަށް ފެތުރުނަނުދީ ކޮންޓްރޯލް ކުރެވޭނީ އޭރުންކަމަށްވެސް ޓެޑްރޯސްވަނީ ވިދާޅުވެފައެވެ.
I have been identified as a contact of someone who has tested positive for #COVID19. I am well and without symptoms but will self-quarantine over the coming days, in line with @WHO protocols, and work from home.
— Tedros Adhanom Ghebreyesus (@DrTedros) November 1, 2020
އިމަޖެންސީ ޑިރެކްޓަރު މައިކް ރަޔަން ވިދާޅުވީ ޓެޑްރޯސްގެ ފަރާތުން ބަލީގެ އަލާމާތްތައް ނުފެންނަ ނަމަ ޓެސްޓް ކުރުމުގެ ބޭނުމެއް ނެތް ކަމަށެވެ.
ޓެޑްރޯސްއަކީ މި އަހަރު ފެށުނީއްސުރެ، ކޮވިޑް-19 ގެ ވައިރަސް މުޅި ދުނިޔެއަށް ފެތުރިގެންގޮސް ގްލޯބަލް ޕެންޑަމިކްއަކަށް ވުމާ ހަމައަށްވެސް ސަރުކާރާއި، ސައިންޓިސްޓުންނާވެސް ގުޅިގެން މި ވައިރަސް ކޮންޓްރޯލް ކުރުމަށްޓަކައި މިކަމާއި ކުރިމަތިލަމުން އަންނަ ފަރާތެކެވެ.
މުޅިދުނިޔެއިން މިހާތަނަށް 46.9 މިލިއަން މީހުންނަށް މިވައިރަސް ޖެހިފައިވާއިރު މީގެތެރެއިން 1.2 މިލިއަން މީހުންވަނީ މަރުވެފައެވެ.
