ރާއްޖޭގެ އެތެރެ އާއި ބޭރުން ނަގާ އެކި ރާޅުތަކުން ސަލާމަތްވެ ގައުމު އަމާން ބަނދަރަކަށް ގެންދިއުމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް މަސައްކަތް ކުރައްވާ ކަމަށް ވިދާޅުވެ ޖުމްހޫރީ ޕާޓީގެ ލީޑަރު، މާމިގިލި ދާއިރާގެ މަޖިލިސް މެމްބަރު ގާސިމް އިބްރާހިމް، ރައީސް ސޯލިހަށް ތައުރީފު ކުރައްވައިފިއެވެ.
ޤާސިމް މިހެން ވިދާޅުވީ، ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހްގެ ވެރިކަމަށް ދެއަހަރު ވުމާއި ގުޅިގެން، ކުރެއްވި ޓްވީޓޭއްގައެވެ.
މިދުވަހުގެ ތަހުނިޔާ ފޮނުއްވާ ގާސިމް ކުރެއްވި ޓްވީޓެއްގައި ވިދާޅުވީ އެތެރެ އާއި ބޭރުން ނަގާ އެކި ރާޅުތަކުން ސަލާމަތްވެ ގައުމު އަމާން ބަނދަރަކަށް ގެންދިއުމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް މަސައްކަތް ކުރައްވާ ކަމަށެވެ. އަދި އެ މަސައްކަތުގައި ކުރިއަށް ދިއުމުގެ ތައުފީގު ދެއްވުން އެދި ގާސިމް ދުއާ ކުރައްވާފައިވެއެވެ.
ގާސިމް އިބްރާހިމަކީ މި ސަރުކާރު ގެނައުމަށް އެންމެ ބުރަކޮށް މަސައްކަތް ކުރެއްވި އެއް ލީޑަރެވެ. އެމަނިކުފާނަކީ މި ސަރުކާރު ހިންގާ ކޯލިޝަންގެ ލީޑަރެކެވެ. އަދި ރައީސް ސޯލިހާއި ދެ ބޭފުޅުންގެ ގުޅުން މި ދެ އަހަރު ވަރަށް ބޮޑަށް ބަދަހިވެފައިވެއެވެ. ދާދި ފަހުން ރައީސް ސޯލިހްވެސް ވަނީ ގާސިމަށް ވަރަށް ބޮޑަށް ތައުރީފު ކުރައްވާފައެވެ.
ރައީސް @ibusolih ގެ ވެރިކަމަށް 2 އަހަރުފުރޭ އުފާވެރިމުނާސަބަތުގައި އެމަނިކުފާނަށް ތަހްނިޔާ އަރިސްކުރަމެވެ. އެތެރެއާއި ބޭރުން ނަގާ އެކިރާޅުތަކުން ސަލާމަތްވެ ޤައުމު އަމާން ބަނދަރަކަށް ގެންދިއުމަށް އެމަނިކުފާނު ކުރައްވާ އިޚްލާޞްތެރި މަސައްކަތުގައި الله ތަޢާލާ ބަރަކާތްލައްވާށިއެވެ. pic.twitter.com/B9IaJFPUXl
— Qasim Ibrahim (@qasimibrahim) November 17, 2020
އެގޮތުން ޖޭޕީގެ ސްލޮޓެއްގައި ހެލްތު މިނިސްޓަރަކަށް ހުންނެވި އަމީން އިސްތިއުފާ ދެއްވުމާއި ގުޅިގެން، ހެލްތް މިނިސްޓަރގެ މަގާމަށް އެމްޑީޕީގެ މެމްބަރަކު އައްޔަނުކުރެއްވި މަރުހަލާގެ ތަފްސީލް ހިއްސާކުރައްވަމުން ރައީސް ސޯލިހު ވަނީ ގާސިމަށް ވަރަށް ބޮޑަށް ތައުރީފް ކުރައްވާފައެވެ.
