މާލެ އިންޑަސްޓްރިއަލް ވިލޭޖް ސަރަހައްދުން އުދައަރަމުންދާތީ ރައްކާތެރިކަމުގެ ފިޔަވަޅު އަޅަން އިލްތިމާސް ކޮއްފިއެވެ.
ފުލުހުން ކުރެއްވި ޓްވީޓެއްގައި ވިދާޅުވީ، މާލެ އިންޑަސްޓްރިއަލް ޒޯން އަށް އުދައަރަމުންދާ ކަމަށާއި، ހުރިހާ ބޭފުޅުންވެސް ވެހިކަލްތައް އެސަރަހައްދުން ދުރައްލައްވައި، ރައްކާތެރިކަމުގެ ފިޔަވަޅު އެޅުއްވުމަށެވެ.
މާލެއަށް އުދަ އަރާފައި މިވަނީ ރާއްޖޭގެ ބައެއް އަތޮޅުތަކަށް ދިޔަވަރު ބޮޑުވާ ގަޑިތަކުގައި އުދައިގެ އަސަރު ކޮށްފާނެ ކަމަށް މެޓް އޮފީހުން ވިދާޅުވެފައި ވަނިކޮށެވެ.
ކުރިއަށް 24 ގަޑިއިރުގެ މޫސުން ލަފާކޮށް މެޓް އޮފީސް އިން ވިދާޅުވީ ރާއްޖޭގެ އުތުރުގެ ބައެއް ރަށްތަކަށް ކެރީގެއަސަރު ފޯރާނެ ކަމަށާއި، އެހެން އަތޮޅުތަކަށް މޫސުން އާއްމުގޮތެއްގައި ރަގަޅު ވާނެ ކަމަށެވެ.
އަދި ދެކުނާއި ހުޅަނގުދެކުނުން، އުތުރުގެ އަތޮޅުތަކަށް ގަޑިއަކު 6 މޭލާއި 15 މޭލާ ދެމެދުގެ ބާރު މިނުގައި ވައި ޖެހޭނެ ކަމަށާއި، ދެކުނާއި މެދުތެރޭގެ އަތޮޅުތަކަށް ގަޑިއަކު 3 މޭލާއި 13 މޭލާ ދެމެދުގެ ބާރު މިނުގައި ވައި ޖެހޭނެ ކަމަށެވެ.
ރާއްޖޭގެ ކަނޑުތައް އާދައިގެ ވަރަކަށް މަޑުވި ނަމަވެސް ބައެއް އަތޮޅުތަކަށް ދިޔަވަރު ބޮޑުވާ ގަޑިތަކުގައި އުދައިގެ އަސަރު ކުރުމަކީވެސް އެކަށީގެންވާ ކަމެއް ކަމަށް މެޓް އޮފީހުން ވިދާޅުވިއެވެ.
