ކޮވިޑް-19 ބަލިޖެހިގެން އުމުރުން 75 އަހަރުގެ މީހަކު ނިޔާވެއްޖެއެވެ.
ހެލްތް ޕުރޮޓެކްޝަން އެޖެންސީ (އެޗްޕީއޭ) އިން ދެންމެ ވިދާޅުވީ، ހުޅުމާލޭ މެޑިކަލް ފެސިލިޓީގައި އެޑްމިޓް ކޮށްގެން ކޮވިޑް-19 އަށް ފަރުވާދެމުންދިޔަ އުމުރުން 75 އަހަރުގެ ދިވެހި ފިރެހެނަކު މިރޭ 08:49 ގައި ނިޔާވެފައިވާ ކަމަށެވެ.
މިއީ މިބަލީގައި ރާއްޖެއިން މިހާތަނަށް ނިޔާވި 206 ވަނަ މީހާއެވެ. އަދި މިއަދު މިބަލީގައި ނިޔާވި ތިންވަނަ މީހާއެވެ.
Tonight at 08:49 pm (19/06/21) a 75-year-old Maldivian male admitted at HMF has passed away
This is the 206th COVID-19 death in the Maldives
Our thoughts and prayers are with the bereaved family. May Allah grant his soul eternal peace in heaven.
— Health Protection Agency (@HPA_MV) June 19, 2021
ކޮވިޑް-19ގެ މިއަދުގެ ތަފާސްހިސާބުތަކަށް ބަލާއިރު، ރޭ 18:00 އިން މިރޭގެ 18:00 އަށް ކޮވިޑް-19 އަށް ޕޮޒިޓިވުވެފައިވަނީ 211 މީހުންނެވެ. މީގެތެރޭގައި ހިމެނެނީ މާލޭ އޭރިއާއިން 54 މީހުން، އަތޮޅުތެރޭ ރައްތަކުން 132 މީހުން، އަދި ރިސޯޓުތަކުން 25 މީހުންނެވެ.
