ހުޅުމާލޭ ދެވަނަ ފިޔަވަހީގެ ބުރިޖުގައި އެކްސިޑެންޓެއް ހިނގައި، މީހެއްގެ ފައި ބިނދިއްޖެއެވެ.
"ފެށުން" އަށް މައުލޫމާތު ދެމުން ފުލުހުންގެ މީޑިއާ އޮފިޝަލަކު ވިދާޅުވީ، ހުޅުމާލެ އިން ދެވަނަ ފިޔަވައްސަން ދިއުމަށް އަރަން އޮންނަ ބްރިޖްމަތިން ދުއްވާފައި ދިޔަ ސައިކަލެއް ޑިވައިޑާގައި ޖެހި އެކްސިޑެންޓް ވެފައިވާކަމަށެވެ.
މި އެކްސިޑެންޓެއްގައި ދެ މީހަކަށް އަނިޔާވެފައިވެއެވެ. އަނިޔާވެފައި ވަނީ ދެ ފިރިހެނުންނަށް ކަމަށް ފުލުހުން ވިދާޅުވިއެވެ.
މައުލޫމާތު ލިބިފައިވާ ގޮތުގައި އެކްސިޑެންޓުގައި އަނިޔާވި އެކަކުގެ ފައި ވަނީ ބިނދިފައެވެ. އަދި އަނިޔާވި ދެމީހުންވެސް ވަނީ ހޮސްޕިޓަލުގައި ފަރުވާ ދިނުމަށް ގެންދެވިފައެވެ.
މި އެކްސިޑެންޓްގެ ރިޕޯޓު ފުލުހުންނަށް ލިބިފައިވަނީ މިއަދު 12:20 ހާއިރުއެވެ.
ހިޔާލު
ސައިކަލް ޖެހުނީ ކޮންތާކުހޭ…. ކ