މިލަދުންމަޑުލު ދެކުނުބުރީ ނ. މަނަދޫގައި ޓޫރިސްޓް ހޮޓަލެއް ތަރައްޤީކޮށް ހިންގުމުގެ އެއްބަސްވުމުގައި ސޮއިކޮށްފިއެވެ.
މި އެއްބަސްވުމުގެ ދަށުން މަނަދޫގައި ފަތުރުވެރިކަން ތަރައްޤީކުރުމަށް ކަނޑައަޅާފައިވާ 132,000 (އެއްލައްކަ ތިރީސް ދެހާސް) އަކަފޫޓުގެ ބިމުގައި ޓޫރިސްޓް ހޮޓަލެއް ތަރައްޤީކޮށް ހަވާލުކޮށްފައިވަނީ ސްޓޯން ހޮޓެލްސް މޯލްޑިވްސް ޕްރައިވެޓް ލިމިޓެޑާ އެވެ.
މި އެއްބަސްވުމުގައި މިނިސްޓްރީ އޮފް ޓޫރިޒަމް އާއި ސްޓޯން ހޮޓެލްސް މޯލްޑިވްސް ޕްރައިވެޓް ލިމިޓެޑް ދެމެދު ސޮއިކޮށްފައިވަނީ އިއްޔެ ބޭއްވި ރަސްމިއްޔާތެއްގަ އެވެ.
On 29 Dec @MoTmv signed a lease agreement with Stone Hotels Pvt Ltd for development of a tourist hotel at a land plot in N. Manadhoo.Minister @Mausoom_Maus & MP from the constituency Hon.Ahmed Haroon attended the signing ceremony. Hotel is expected to be in operation by mid 2024 pic.twitter.com/T9Gzrp8a9F
— Ministry of Tourism (@MoTmv) December 30, 2021
މިނިސްޓްރީ އޮފް ޓޫރިޒަމްގެ ފަރާތުން އެއްބަސްވުމުގައި ސޮއިކުރައްވާފައިވަނީ މިމިނިސްޓްރީގެ ޕާރމަނަންޓް ސެކްރެޓަރީ ފާތިމަތު ނިންފާއެވެ. އަދި ސްޓޯން ހޮޓެލްސް މޯލްޑިވްސް ޕްރައިވެޓް ލިމިޓެޑްގެ ފަރާތުން ސޮއިކުރައްވާފައިވަނީ އެ ކުންފުނީގެ ޑިރެކްޓަރ އައްބާސް މުޙައްމަދު އެވެ.
މިނިސްޓްރީ އޮފް ޓޫރިޒަމްގައި މި ބޭއްވުނު ރަސްމިއްޔާތުގައި މިނިސްޓަރ އޮފް ޓޫރިޒަމް ޢަބްދުﷲ މަޢުޞޫމް ރައްޔިތުން މަޖިލީހުގެ މަނަދޫ ދާއިރާގެ މެންބަރު އަލްފާޟިލް އަޙްމަދު ހާރޫން ބައިވެރިވެވަޑައިގަތެވެ.
ޓުއުރިޒަމް މިނިސްޓްރީން ވިދާޅުވީ، މަނަދޫގައި ގާއިމްކުރެވޭ ޓުއުރިސްޓު ހޮޓެލުގެ މަސައްކަތް ފެށޭވަރުވާނީ 2024 ވަނަ އަހަރުގެ މެދުތެރޭގައި ކަމަށެވެ.
