މާލެ ސިނަމާލެ ބްރިޖު ބޭނުންކުރާތާ 1 އަހަރުވުމާއި ގުޅިގެން ބުރިޖުގެ އެނުއަލް އިންސްޕެކްޝަންއެއް ހެދުމަށްޓަކައި ބުރިޖުގެ މާލެއިން ހުޅުލެއަށްދާ 2 ލޭން ބަންދުކުރަން މޯލްޑިވްސް ޓްރާންސްޕޯޓް އޮތޯރިޓީން ވިދާޅުވެއްޖެއެވެ.
ޓްރާންސްޕޯޓް އޮތޯރިޓީން ވިދާޅުވީ ބުރިޖުގެ މާލެއިން ހުޅުލެއަށް ދާ 2 ލޭން ބަންދުކުރެވޭ ގަޑިތަކުގައި ހުޅުލެއިން މާލެއަށް އަންނަ ލޭން ވަގުތީ ގޮތުން ދެކޮޅަށް ދުއްވާގޮތަށް ބަދަލުކުރުމަށް ހުރިހާ އުޅަނދެއް އެލޭން އިން ދުއްވާ ގޮތަށް ހަމަޖެހިފައިވާކަމަށެވެ.
ސިނަމާލެ ބުރިޖްގެ މާލެއިން ހުޅުލެއަށް ދާ 2 ލޭން ބަންދު ކުރުމަށް ހަމަޖެހިފައިވާ ގަޑިތައް:
- 30 އޮގަސްޓް 2019 ވާ ހުކުރު ދުވަހުގެ ހެނދުނު 08:00 އިން މެންދުރު 14:00 އަށް
- 31 އޮގަސްޓް 2019 ވާ ހޮނިހިރު ދުވަހުގެ ހެނދުނު 08:00 އިން މެންދުރު 14:00 އަށް
- 06 ސެޕްޓެމްބަރު 2019 ވާ ހުކުރު ދުވަހުގެ ހެނދުނު 08:00 އިން މެންދުރު 14:00 އަށް
އަދި އެސަރަޙައްދުގައި ހަރަކާތްތެރިވާ ޓްރެފިކް ފުލުހުންގެ އިރުޝާދަށް ތަބާވެ، ބްރިޖުގެ މަތިން ދަތުރުކުރުމަށް ގެނެވުނު ބަދަލުތަކާއި އެއްގޮތަށް ޢަމަލުކުރެއްވުމަށް ޓްރާންސްޕޯޓް އޮތޯރިޓީންވަނީ އެދިލައްވާފައެވެ.
މީގެއިތުރުން މިފަދަ ކަންކަމުގައި ރައްޔިތުންގެ ފަރާތުން ލިބޭ އެއްބާރުލުމަށްވެސް އެއޮތޯރިޓީން ޝުކުރު ދަންނަވާފައިވެއެވެ.
