މޯލްޑިވްސް ޕޮލިސް ސަރވިސްގެ ހޮޓްލައިން ނަންބަރުތަކަށް ގުޅުމުގައި ދިމާވި މައްސަލަތައް ހައްލުކޮށްފި ކަމުގައި އެފަރާތުން ވިދާޅުވެއްޖެއެވެ.
ފުލުހުންގެ ހޮޓްލައިން 119 އަދި 3322111 ނަމްބަރު ފޯނަށް ގުޅުމުގައި ދަތިތަކެއް ދިމާވަމުންދާ ކަމަށް މިއަދު 15:54 ފުލުހުން ވަނީ ވިދަޅުވެފައެވެ. އެހެންކަމުން ކުއްލި ހާލަތެއް ދިމާވެއްޖެނަމަ 9980082/9980081 އަށް ގުޅުމަށް ފުލުހުން ވަނީ އެދިވަޑައިގަންފައެވެ.
ނަމަވެސް ދިމާވި މައްސަލަ ހައްލުކޮށް ވަރަށް އަވަހަށް ކުރިއެކޭވެސް އެއްގޮތަށް ފުލުހުންގެ ހޮޓްލައިން ނަންބަރުގެ 119 އަދި 3322111 ބޭނުން ކުރެވޭނެ ގޮތަށް ހެދިފައިވާ ކަމުގައި ފުލުހުންވަނީ ވިދާޅުވެފައެވެ.
ކުރިން ވެސް ފުލުހުންގެ ހޮޓްލައިނަށް ގުޅުމުގައި ބައެއް ފަހަރު މައްސަލަތައް ވަނީ ދިމާވެފައެވެ. ނަމަވެސް މާގިނައިރުތަކެއް ނުވެ އާއްމުގޮތެއްގައި ދިމާވާ މައްސަލަ ހައްލު ކުރެއެވެ.
