ވަގަށް ނަގާފައިވާ ގިނަ އަދަދެއްގެ ބިޑިތަކަކާއެކު މިއަދު މީހަކު ހައްޔަރުކޮށްފިއެވެ.
ފުލުހުން ވިދާޅުވީ ވަގަށް ނަގައިގެން ގެންގުޅޭ ކަމަށް ތުހުމަތު ކުރެވޭ 57 ހޮޅި ބިޑި އާއެކު މިއަދު 14:15 އެހާކަންހާއިރު މީހަކު ހައްޔަރުކޮށްފައިވާކަމަށެވެ.
މި މައްސަލާގައި ހައްޔަރު ކޮށްފައިވަނީ ބިދޭސީއެއްކަމަށް ފުލުހުން ވަނީ ވިދާޅުވެފައެވެ. ނަމަވެސް އެމީހާއާއި ގުޅޭ އިތުރު މަޢުލޫމާތެއް ފުލުހުން ހާމަކޮށްފައެއް ނުވެއެވެ.
ފުލުހުން ވިދާޅުވެފައިވަނީ މި ބިޑިތައް ހުރީ ގޯންޏަކަށް އަޅާފައިކަމަށެވެ.
