ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓުން ތަހުގީގު ކުރަމުންދާ ވައްކަމުގެ މައްސަލައަކާ ގުޅިގެން މީހަކު ހޯދުމަށް، ފުލުހުން އާއްމުންގެ އެހީއަށް އެދެފިއެވެ.
ވައްކަމުގެ މައްސަލައާ ގުޅިގެން ފުލުހުން ހޯދަމުންދަނީ ތ. ވިލުފުށި، އިރަމާގެ، މުޙައްމަދު މިހާދު (36އ) އެވެ. އޭނާގެ ފޮޓޯވެސް ފުލުހުން މިއަދު ވަނީ އާއްމުކޮށްފައެވެ.
ފުލުހުން ބުނެފައިވަނީ މި މީހާއާ ބެހޭ އެއްވެސް މަޢުލޫމާތެއް ލިބިފައިވާނަމަ ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓްގެ ނަންބަރު 9631696 އަށް ގުޅައިގެން ހިއްސާކުރަން އެދޭކަމަށެވެ.
