ފުލުހުން މީހުން ހައްޔަރު ކުރުމުގައި ކަރަންޓް ހަތިޔާރެއް ބޭނުން ކުރަން ފަށަން ތައްޔާރު ވެއްޖެއެވެ.

އެގޮތުން ޕޮލިސް ކޮމިޝަނަރ މުޙައްމަދު ޙަމީދު މިއަދު ވިދާޅުވެފައިވަނީ ކޮންޑަކްޓެޑް އިލެކްޓްރިކް ވެޕަން (ސީއީޑަބްލިއު) އަކީ ފުލުހުންނާއި އަދ އާންމުންގެ ސަލާމަތާއި ރައްކާތެރި ކަމަށް ބޭނުން ކުރެވޭ ހަތިޔާރެއްކަމަށެވެ. މިއީ ނުކިޔަމަންތެރިވާ މީހުން ހައްޔަރު ކުރުމުގައި އެންމެ ސްމާރޓް އަދި އެދެވޭ ގޮތް ކަމުގައިވެސް ސީޕީ ހަމީދު ވިދާޅުވިއެވެ.

With the aim of further improving officer safety & public protection, we are starting to trial the provision of Conducted Electric Weapon (CEW) as a force option. A smart and effective tool to de-escalate violence with potential to harm members of public & officers. #readiness pic.twitter.com/DyBmeIHGNy

— Mohamed Hameed (@M_Hameedh) May 19, 2020

ފުލުހުން މިހާރު ވަނީ މި ހަތިޔާރު ބޭނުން ކުރުމުގެ ޓްރިއަލް ފަށާފައެވެ. މި ހަތިޔާރު ބޭނުން ކުރުމުގައި ފުލުހުން ޒިންމާދާރު ކުރުވުމުގެ ގޮތުން ފުލުހުންގެ ހަށިގަނޑުގައި ކެމެރާ ހަރުކޮށްފައި ހުންނާނެ ކަމުގައި ސިޕީ ވިދާޅުވިއެވެ.

މި ހަތިޔާރުން މީހަކަށް ހަމަލާ ދިނުމުން އެމީހާއަށް ކަރަންޓް ޝޮކެއް ލިބެއެވެ. އެހެން ކަމުން ފުލުހުންނަށް އެމީހާ ހައްޔަރު ކުރުމުގައި މާ ބޮޑެތި އުނދަގޫތަކެއް ނުލިބޭނެއެވެ. ބައެއްފަހަރު ފުލުހުންނަށް ކުނިޔަމަންތެރިވާ މީހުން ހައްޔަރު ކުރުމުގައި ބޮޑެތި އަނިޔާތައް ލިބިފައިވާ ކަމުގެ ޝަކުވާތައް ކުރެވިފައިވެއެވެ. ނަމަވެސް މިފަދަ ހަތިޔާރެއް ބޭނުން ކުރަން ފެށުމުން އެފަދަ އަނިޔާތައް ކުޑަވެގެން ދާނެއެވެ.