ކުއްލި ގޮތަކަށް ހދ.ކުޅުދުއްފުށީގައި ކުޑަކުއްޖަކު ނިޔާވެއްޖެއެވެ.

މައުލޫމާތު ލިބިފައިވާގޮތުގައި ނިޔާވެފައިވަނީ އުމުރުން 4 އަހަރުން ދަށުގެ ކުޑަ އަންހެން ކުއްޖެކެވެ.

މިކުއްޖާ ކުޅުދުއްފުށީ ރީޖަނަލް ހޮސްޕިޓަލަށް ގެންދިޔައިރުވެސް ވިންދެއްނެއް ކަމަށާއި، އެކުއްޖާ ވަނީ ނިޔާވެފައި ކަމަށް މައުލޫމާތު ލިބެއެވެ.

މިކުއްޖާ ނިޔާވާން ދިމާވި ސަބަބެއް މިހާތަނަށް ހޯދިފައިނުވާއިރު، އެކުއްޖާ ކޮވިޑް-19 އަށް ޓެސްޓް ކޮއްފައިނުވާ ކަމަށްވެސް މިނޫހަށް ވަނީ މައުލޫމާތު ލިބިފައެވެ.

ކުއްޖާގެ ބެލި ޑޮކްޓަރުންނާ ހަވާލާދެއްވައި ކުޅުދުއްފުށީ ރީޖަނަލް ހޮސްޕިޓަލްގެ މެނޭޖަރު އަޙްމަދު ދާއޫދުއާއި ހަވާލާދެއްވައި، "ކުޅުދުއްފުށީ އޮންލައިން" އިން ރިޕޯޓްކޮށްފައިވާ ގޮތުގައި، ކުއްޖާ ހޮސްޕިޓަލަށް ގެނައީ މިއަދު ހަވީރު 16:20 ގައި އަދި ކުއްޖާ ނިޔާވިކަން ޑޮކްޓަރުން ކަށަވަރުކޮށްފައިވަނީ 16:47 ގައިއެވެ. އަދި ކުއްޖާ ހޮސްޕިޓަލަށް ގެނައުމުގެ 15 ވަރަކަށް މިނެޓްކުރިން ކުއްޖާ ނިޔާވެފައިވާކަމަށް ލަފާކުރެވޭކަމަށްވެސް އެ ނޫހުގައި ބުނެފައިވެއެވެ.

ކުޅުދުއްފުށީ ހޮސްޕިޓަލްގެ މެނޭޖަރާ ހަވާލާދެއްްވައި ބައެއް ނޫސްތަކުން ރިޕޯޓްކޮށްފައިވަނީ، ކޮވިޑަށް ޝައްކުކުރެވޭ ކޭހެއް ނޫންނަމަވެސް ކުއްލި މަރަކަށްވުމުން މިހާރު އޮންނަ އުސޫލުގެ ތެރެއިން ކުއްޖާ ކޮވިޑް-19 އަށް ޓެސްޓްކުރެވޭނެ ކަމަށެވެ.