މާލޭ މަގުމަތިން ހޮވި ފައިސާ ތަކެއްގެ ވެރިފަރާތް ހޯދުމުށް އިޢުލާން ކޮށްފިއެވެ.
ފުލުހުން ވިދާޅުވެފައިވަނީ ހޮވައިގެން ގެނެސްފައިވާ ފައިސާތަކެއްގެ ވެރިފަރާތް ހޯދުމުގެ މަސައްކަތް ފުލުހުން ކުރަމުންދާ ކަމަށެވެ.
ފުލުހުން ވިދާޅުވީ މިފައިސާ ތަކަކީ ޖަނަވަރީމަގު ވިނޯލިޔާ ކައިރިން އާންމު ފަރާތަކުން ހޮވައިގެން ގެނެސް ފުލުހުންނާ ހަވާލުކޮށްފައިވާ ފައިސާތަކެކެއް ކަމަށެވެ. މިފައިސާތައް ހޮވައި ފުލުހުންނާއި ހަވާލު ކޮށްފައިވަނީ 2020 ޖޫން 21 ވަނަ ދުވަހު ކަމަށްވެސް ފުލުހުން ވިދާޅުވިއެވެ.
މި ފައިސާތަކުގެ ވެރިފަރާތުން، ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓްގެ ނަންބަރު 9631696 އަށް ގުޅުވައި، އިންސިޑެންޓް ނަންބަރު 458619 ވިދާޅުވެ، ކާކުކަން އެނގޭނެ ލިޔުމަކާއެކު ޝަހީދު ޙުސައިން އާދަމް ބިލްޑިންގަށް ހާޒިރުވެ ފައިސާތަކާ ހަވާލުވެލެއްވުމަށް ފުލުހުން ވަނީ އެދިލައްވާފަ އެވެ.
މީގެ ކުރިންވެސ ފުލުހުންވަނީ އެކި ފަހަރު މަތިން ހޮވައިގެން ގެންނަ ފައިސާ ތަކުގެ ވެރި ފަރާތް ހޯދުމަތް އިޢުލާން ކޮށްފައެވެ.
