ކޮންމެ ހަފްތާއަކު ގުރުއަތުން ހޮވޭ ނަސީބުވެރި 10 ފަރާތަކަށް، "އެއްހާސް" ރުފިޔާ ގިފްޓް ކާޑެއް ލިބޭ ޕްރޮމޯޝަނެއް ،އެމް.ޑަބްލިޔު.އެސް.ސީއިން ފަށައިފިއެވެ.
މިޕްރޮމޯޝަން ކުރިއަށް ގެންދިއުމަށް ހަމަޖެހިފައިވަނީ، މިއަދުން ފެށިގެން ސެޕްޓެމްބަރުމަހުގެ 30 ވަނަ ދުވަހުގެ ނިޔަލަށެވެ.
އެ ކުންފުނީގެ ކަސްޓަމަރުންނަށް އަމާޒުކޮށްގެން "އެއްހާސް އެއްހާސް"ގެ ނަމުގައި ކުރިއަށްދާ މި މިޕްރޮމޯޝަނުގައި، ހުރިހާ ފެންބިލަކަށް ފައިސާ ދައްކަވާ ކޮންމެ ޑޮމެސްޓިކް ކަސްޓަމަރަކަށްވެސް ބައިވެރިވެވޭނެކަމަށް ،އެމް.ޑަބްލިޔު.އެސް.ސީއިން ބުނެފައިވެއެވެ.
Pay your water bill and stand a chance to win MVR 1,000! #1Haas1Haas promotion starts on 1st August 2020! pic.twitter.com/4gHBXAtHa3
— Male' Water and Sewerage Company Pvt. Ltd. (@MWSC_Official) August 2, 2020
އެމް.ޑަބްލިޔު.އެސް.ސީން ބުނީ، މި ޕްރޮމޯޝަންއަކީ މާލެ، ހުޅުމާލެ އަދި ވިލިމާލޭގެ އިތުރުން އެމް.ޑަބްލިޔު.އެސް.ސީން ފެނާއި ނަރުދަމާގެ ޚިދުމަތްދޭ ރ.ދުވާފަރު، ކ.މާފުށި، އަދި ހދ.ކުޅުދުއްފުށްޓަށް އަމާޒުކޮށް ކުރިއަށްގެންދާ ޕްރޮމޯޝަންއެއްކަމަށެވެ.
މި ޕްރޮމޯޝަންގައި ބައިވެރިވުމަށް އެމް.ޑަބްލިޔު.އެސް.ސީގެ މޯބައިލް އެޕް އާއި، އޮންލައިން ޕްލެޓްފޯމް މެދުވެރިކޮށް އަދި ޗެކް ނުވަތަ ނަޤްދު ފައިސާއިންވެސް ކަސްޓަމަރުންނަށް ފެން ބިލަށް ފައިސާ ދެއްކޭނެކަމަށް އެމް.ޑަބްލިޔު.އެސް.ސީން މައުލޫމާތު ދިނެވެ.
