ޗައިނާގެ ސަރުކާރު ހިއްސާވާ ބަޔޯ ޕާމަސޫޓިކަލް ކުންފުންޏަކުން މިދިޔަ އަހަރު ލީކްވި ބޭކްޓީރިއާ ބައްޔަކަށް އެ ގައުމުގެ 3000 ހާހެއްހާ މީހުން ޕޮޒިޓިވްވެއްޖެއެވެ.
މިދިޔަ އަހަރުގެ ޖުލައި އަދި އޮގަސްޓް މަހާއި ދޭތެރޭގައި، ޗައިނާގެ ލަންޒޯ ސިޓީގައި ގައި، ޒޮންގްމޫ ލަންޒޯ ނަމަކަށްކިޔާ ބަޔޯ ޕާމަސޫޓިކަލް ކުންފުންޏަކުން ވަނީ ޖަނަވާރުންނަށް ޖެހޭ ބުރުސެއްލާ ބެކްޓީރިއާއަށް ވެކްސިންއެއް އުފެއްދެމުގެ މަސައްކަތްކޮށްފައެވެ. މި ބެކްޓީރިއާއަކީ އިންސާނުންނާއި ކޮންޓެކްޓުވެއްޖެނަމަ އިންފެކްޓްވާ ބައްޔެއްކަމުގައިވާ ''ބްރީސަލޯސެސް'' ޖެހޭނެ ބައްޔެކެވެ.
އެހެންނަމަވެސް، ބަޔޯފާމަސޫޓިކަލް ޕްލާންޓް ތެރޭގައި ޖަނަވާރުންނަށް ދޭން ބޭނުން ކުރާ ބްރުސަލާ ވެކްސިންގެ މުއްދަތު ހަމަވެފައި ހުރި ޑިސްއިންފެކްޓެންޓްތަކެއް ފެނިފައެވެ. އެހެންކަމުން، ފެކްޓްރީން ބެކްޓީރިއާ އެއްކޮށް ނައްތާ ނުލެވޭ ކަމަށް އޮފިސަރުންނަށް ބުނެފައިވެއެވެ.
މި ހާދިސާގެ އެއް އަހަރު ފަހުން، މި ބައްޔަށް 21،847 މީހުން ޓެސްޓްކުރެވިފައިވާއިރު، 3،245 މީހުން ބައްޔަށް ޕޮޒިޓިވްވެފައިވާކަން ކަށަވަރުވެފައިވާކަމަށް ޗައިނާގެ ހެލްތް ކޮމިޝަނުން ވަނީ ބުނެފައެވެ.
މި ބަލީގެ އަލާމަތްތަކުގެ ތެރޭގައި ހުން އައުމާއި، ހުޅުހުޅުގައި ރިއްސުމުގެ އިތުުރުން ބޮލުގައި ރިއްސުން ހިމެނޭކަމަށް މައުލޫމާތުލިބެއެވެ. ނަމަވެސް އެމެރިކާގެ ސެންޓަރ ފޯ ޑިސީސް ކޮންޓްރޯލުން ބުނެފައިވާގޮތުގައި ބްރީސަލޯސެލް އެކަކުން ގައިން އަނެކަކު ގަޔަށް ފެތުރޭނީ ވަރަށް މަދުފަހަރެއްގައެވެ.
މިވަގުތު ދުނިޔޭގައި ފެތުރެމުންދާ ކޮރޯނާ ވައިރަސް (ކޮވިޑް-19) ވެސް އެންމެ ފުރަތަމަ ފެނިފައިވަނީ ޗައިނާގެ ވޫހާން ސިޓީންނެވެ. ޗައިނާއިން ބަލި ކޮންޓްރޯލުކުރެވިފައިވީނަމަވެސް، އަދިވެސް ޗައިނާގައި ބަލި ފެތުރެމުންދެއެވެ.
2 Responses
We need to take actions against china they are are playing with dangerous bacterias and viruses like it’s a play thing from china we are seeing so many kind of illness because of their life style eating what ever they want without checking it’s haraam or halaam harmful or harmless they should be shamefull for what they doing
Dhen thi china meehunna hedhi bayakan dhiriulhevareh ves nuvey ehnu emeehun gaumuthakan dhiyun manaa kurey ..balaaa eh