ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު އަބްދުﷲ ޖާބިރު އިންޑިއާގައި ފާހަގަކުރާ ހިންދޫ ދީނުގެ ލައިޓް ފެސްޓިވަލްއެއް ކަމަށްވާ ދިވާލީގެ ހެޔޮއެދުންތައް އެގައުމުގެ ބޮޑުވަޒީރު ނަރެންދުރަ މޯދީއަށް ފޮނުވައިފިއެވެ.
ޖާބިރު ވިދާޅުވިކަމަށްބުނެ، ޖާބިރު ލީޑަރެއްގެ ގޮތުގައި ހުއްނަވާ ޑީއާރުޕީ އިން ދެންމެކުރި ޓުވީޓެއްގައި ބުނެފައިވަނީ، މޯދީ އަށާއި އިންޑިއާގެ އެކުވެރިންނަށް އުފާވެރި ދިވާލީއަކަށް އެދޭ ކަމަށެވެ.
ދިވާލީގެ ހެޔޮއެދުންތައް މީގެކުރިން ދިވެހި ސިޔާސީ ފަރާތްތަކުން އަވަށްޓެރި އިންޑިއާގެ ސިޔާސީ އިސްފަރާތްތަކަށް ފޮނުވާ މަންޒަރު ފެނިފައެއް ނުވެއެވެ. ދިވާލީއަކީ ހިންދީ ދީނުގެ ދީނީ ފެސްޓިވަލެއްގެ ގޮތުގައި އެދީނަށް ނިސްބަތްވާ މީހުން ފާހަގަކުރާ ދުވަހެކެވެ.
"Wish you HE @narendramodi and our beloved @HCIMaldives friends a Happy Diwali" - #DRP Leader @chairmanjabir pic.twitter.com/WIxvLEClSD
— DRP (@drpmaldives) November 14, 2020
ޖާބިރު ދޭތެރެ ދޭތެރެއިން އަންނަނީ ދީނީ ގޮތުން ހިޔާލު ތަފާތުވުން އުފެދޭފަދަ ބަޔެއް ވާހަކަތައް ފާޅުގައި ވިދާޅުވަމުންނެވެ. މިގޮތުން ކެސިނޯ އެޅުމުގެ ހުއްދަ ދިނުމަށްއެދިވެސް ޖާބިރުވަނީ ވަރަށް ބޮޑަށް ވާހަކަފުޅު ދައްކަވައިފައެވެ.
