2020 ވަނަ އަހަރު، ގްރޫޕް މާރާމާރީއެއްގައި އެއްވެސް މީހެއްގެ ފުރާނަ ގެއްލިފައިނުވާކަމަށާއި، މިކަމަކީ ރައްޔިތުންގެ ސަލާމަތާއި ރައްކާތެރިކަން ކަށަވަރުކުރުމަށް ސަރުކާރުން އަޅުއްވާފައިވާ ހަރުދަނާ ފިޔަވަޅުތަކުގެ ހެޔޮ ނަތީޖާތައްކަމަށް މިނިސްޓަރ އޮފް ހޯމް އެފެއާޒް، އައްޝައިޚް އިމްރާން އަބްދުﷲ ވިދާޅުވެއްޖެއެވެ.
ހޯމް މިނިސްޓަރ އިމްރާން މިހެން ވިދާޅުވީ މިއަދު ކުރެއްވި ޓްވީޓެއްގައެވެ.
group maaramaree ehgai, midhiya aharu ehves muvaathinehge furana gellifai nuvumee,( Allahge rahumathahfahu) rayyithunge salaamatha rakkatherikan kashavaru kurumah sarukaarun alhuhvafaivaa harudhana fiyavalhuthakuge heyo natheejja eh.
الحمدلله— Imran Abdulla (@ShimranAb) February 4, 2021
"ގްރޫޕް މާރާމާރީއެއްގައި، މިދިޔަ އަހަރު އެއްވެސް މުވާތިނެއްގެ ފުރާނަ ގެއްލިފައިނުވުމަކީ، (ﷲ ގެ ރަހުމަތަށްފަހު) ރައްޔިތުންގެ ސަލާމަތާ ރައްކާތެރިކަން ކަށަވަރުކުރުމަށް ސަރުކާރުން އަޅުއްވާފައިވާ ހަރުދަނާ ފިޔަވަޅުތަކުގެ ހެޔޮ ނަތީޖާއެއް. އަލްޙަމްދުލިﷲ" އިމްރާން ވިދާޅުވިއެވެ.
މިދިޔަ އަހަރު، ގްރޫޕް މާރާމާރީއެއްގައި އެއްވެސް މީހެއްގެ ފުރާނަ ގެއްލިފައިނުވިކަމުގައިވިޔަސް، މިދިޔަ އަހަރުގެ ތެރޭގައި އެކި ދުވަސްމަތިން މާރާމާރީ ހިނގާފައިވެއެވެ. އެގޮތުން ވެރިކަން ކުރާ މާލެ ނޫން އެހެން ރަށްރަށުގައިވެސް މާރާމާރީތައް ހިނގާފައިވެއެވެ.
ހަމައެހެންމެ، މި ހަފްތާގެ ތެރޭގައިވެސް މާލޭގައި ގިނަ މާރާމާރީތަކެއް ހިނގާފައިވެއެވެ.
