ކޮވިޑް-19 ފެތުރުން ކޮންޓުރޯލް ކުރުމަށް ރާއްޖޭގައި ފަށައިފައިވާ ކޮވިޑް-19 ވެކްސިން ކެމްޕެއިންގެ ދަށުން މިހާތަނަށް ވެކްސިން ޖެހި މީހުންގެ އަދަދު 230،000 އިން މައްޗަށް އަރައިފިއެވެ.
ހެލްތް ޕުރޮޓެކްޝަން އެޖެންސީ (އެޗްޕީއޭ) އިން ކޮވިޑް-19 ވެކްސިން ކެމްޕެއިންގެ އެންމެފަހުގެ ތަފާސްހިސާބު ހާމަކުރަމުން މިރޭ ވިދާޅުވީ މިހާތަނަށް މުޅި ޖުމްލަ ކޮވިޑް-19 ވެކްސިން ޖެހި މީހުންގެ އަދަދަކީ 230،130 ކަމަށެވެ.
މިއަދު ކޮވިޑް-19 ވެކްސިން 2،434 މީހުންނަށް ދީފައިވާއިރު މީގެތެރޭގައި ހިމެނެނީ، މާލޭ އޭރިއާއިން 1،016، އަދި އަތޮޅުތެރޭ ރައްތަކުން 1،418 އެވެ. މުޅި ޖުމްލަ މާލޭ އޭރިއާއިން މިހާތަނަށް 128،293 މީހުން ވެކްސިން ޖަހައިފައިވާއިރު އަތޮޅުތެރޭ ރައްތަކުން ވެކްސިން ޖެހިމީހުންގެ އަދަދަކީ 101.837 އެވެ.
*️⃣ COVID-19 : Vaccination updates pic.twitter.com/nwscTnn0Di
— Health Protection Agency (@HPA_MV) March 27, 2021
މާލޭ ސަރަހައްދުގައި ޢުމުރުން 18 އަހަރާއި 60 އަހަރާ ދެމެދުގެ މީހުންނަށް ސިނޯފާމް ވެކްސިން ޖަހަން ފަށާފައިވާއިރު، މާލެއާއި ވިލިމާލެއާއި ހުޅުމާލެ ހިމެނޭހެން މާލޭ ސަރަޙައްދުގައި 8 ސެންޓަރެއްގައި ވެކްސިން ދިނުން ކުރިއަށްދެއެވެ. އަދި 2، މޯބައިލް ޓީމުން މާލޭ ސަރަޙައްދުގައި ވެކްސިން ޖަހައިދިނުމަށް ދަނީ ހަރަކާތްތެރިވަމުންނެވެ. އަތޮޅުތަކުގައި ވެކްސިން ޖެހުން މިވަގުތު 169 ސެންޓަރެއްގައި ދަނީ ކުރަމުންނެވެ.
